LES CIFRES OFICIALES DEL CORONAVIRUS N'ASTURIES
Data Total positivos na UCI en planta con COVID-19 o sospecha de la enfermedá Finaos Incidencia a 14 díes

24/01/21 23:59

Por PCR o test d'antíxenos: 33.778 (+1.377)

 70 (+10) 443 (+87)  1.473 (+26) 494 (+81)
Casa Cultura de Ribeseya

Ciudadanos, Foro y PP desmárquense de la propuesta de Pueblu de dar el nome d’Enriqueta González Rubín a la Casa Cultura de Ribeseya

“De seis opiniones, les trés de la política nun tan a favor y les trés del mundu de la cultura tán mui a favor”, resume Ricardo Pedro Cangas, conceyal de Pueblu, la situación na que ta la propuesta pa que la Casa Cultura de Ribeseya lleve’l nome d’Enriqueta González Rubín. La de Santianes del Agua ye l’autora de la primer novela n’asturianu, ‘Viaxe del Tíu Pacho el Sordu a Uviedo’.

Xune Elipe RPA recortáu

RPA incorpora a la so programación ‘Al son’, espaciu centráu na música d’espresión asturiana

Los movimientos y tendencies de la música asturiana dende’l 1974, fecha considerada de nacimientu del asturianismu modernu, hasta anguaño van protagonizar los conteníos de ‘Al son’. Esti espaciu selmanal n'asturianu “que quier ser una especie d’enciclopedia sonora” va conducilu Xune Elipe en RPA tolos llunes.

Nel Morán 'Na sienda'l destín'

“Sigo la retranca asturiana na mio escritura”, apunta Nel Morán

‘Na sienda’l destín’ ye la tercer novela de Nel Morán depués de la xuvenil ‘Tyan’ (2018) y ‘Fabia’ (2019). “Entra dientro de la manera d’escribir mía, na que sigo la retranca asturiana na escritura”, esplica l’autor sobre un llibru que ye una crítica a les desigualdaes sociales.

Horru en mal estáu

Cultura dedica 150.000 euros a ayudes pa la restauración d’horros, paneres y cabazos

La Conseyería de Cultura, Política Llingüística y Turismu convoca esti añu subvenciones pa la restauración d’horros, paneres, cabezos “y otros elementos d’interés etnográficu” destináu a propietarios y instituciones ensin ánimu d’arriquecimientu. Destínense 150.000 euros, con una cuantía máxima a recibir de 7.500 euros por solicitú.

Vacuna COVID-19 de Pfizer BioNtech

3.720 persones yá recibieron una segunda dosis de la vacuna, garantizada magar los recortes de Pfizer

La disminución de les dosis de Pfizer/BioNtech poles obres entamaes na planta de la farmacéutica estauxunidense na población belga de Puurs p’aumentar la producción nun va afeutar la puesta de la segunda dosis a mayores en residencies y cuidadores, aseguró Concepción Saavedra, direutora xerente del SESPA. N’Asturies yá tán vacunaes dafechu 3.720 persones.

'L'Horru' con Ástur Paredes

TPA dedica una serie de cinco capítulos a ‘L’Horru’

Esti miércoles va estrenase en TPA ‘L’Horru’, producción cinematográfica en castellanu dividida en cinco capítulos que conduz y dirixe’l periodista Jaime Santos. La serie va dedicar cada día a un sieglu, dende’l XVI hasta anguaño, pa percorrer la historia d’Asturies al traviés d’esta construcción xunto con espertos como Ástur Paredes, Cristina Cantero o Juaco López, ente otros.

Web n'asturianu de Samartín del Rei Aurelio

Samartín remata la traducción al asturianu de la web municipal y recupera les noticies nesti idioma

El Conceyu de Samartín del Rei Aurelio da un reblagu na normalización de la llingua asturiana. Ta acabante de rematar la torna al asturianu de la web municipal y, al empar, retoma la espublización de noticies nesti idioma nel mesmu portal.

Mapa tercer fola del Observatoriu de Salú n’Asturies

Salú asoleya un mapa qu’informa de la situación de cada conceyu y les sos restricciones

Cola fin de facilitar a les asturianes y asturianos la situación na que ta’l so conceyu y los 77 restantes, la Direición Xeneral de Salú Pública incorpora al so panel informativu un mapa cola situación epidemiolóxica y les restricciones de caún d’ellos. Grau, Avilés, Castrillón y Corvera son los que tien agora midíes más restrictives, a los que se van sumar el xueves Uviéu, Cangas del Narcea y Llanes.

Güeli

La segunda edición de ‘Güeli’ yá ta nes llibreríes tres escosar la primera de 500 exemplares en 20 díes

Con 500 exemplares vendíos en 20 díes, ‘Güeli. Histories d’amor y remangu’ convirtióse nun de los llibros más esitosos del 2020. Puru Remangu, marca de ropa qu’editó esta obra d'homenaxe a les güeles asturianes que nació de la campaña #30DíesConRemangu entamada n’Instagram, yá punxo a la venta la segunda edición.

Guia del ociu pa güei

Siguiendo la vía
Localidá: Xixón
Sitiu: Muséu del Ferrocarril d'Asturies
Tipu d'eventu: Esposiciones
L.E.V. Festival Xrmass: 'Uramado AR' de Julie Stephen Chheng
Localidá: Xixón
Sitiu: Esteriores de la Llaboral y espigón d'El Fomento
Tipu d'eventu: Esposiciones
'La cestería n'Asturies. Una téunica milenaria 100 % ecolóxica'
Localidá: Xixón
Sitiu: Muséu del Pueblu d'Asturies
Tipu d'eventu: Esposiciones
'Asturies en 3D. 1891-1936.'
Localidá: Xixón
Sitiu: Muséu del Pueblu d'Asturies
Tipu d'eventu: Proyecciones
'Conseguir un techo.De la vivienda obrera a la vivienda social en Asturias'
Localidá: Xixón
Sitiu: Muséu de la Ciudadela de Celestino Solar
Tipu d'eventu: Esposiciones