El ciclu 'Recuperando los nuesos espacios' alderica en Mieres sobre los retos de los feminismos

El Grupo de Investigación Multidisciplinar en Estudios Culturales (GIMEC) entama esta iniciativa en collaboración col Centru d'Investigación y Ecomuséu La Ponte.

Depués de falar de 'Democracies, llendes y tolerancies' en Xixón y de 'Nacionalidaes, territorialidaes y modelu d'estáu' n'Uviéu, Mieres ye la siguiente parada del ciclu 'Recuperando los nuesos espacios'. Nesta ocasión el tema a tratar ye 'Los retos de los feminismos: la importancia de les formes y los curiaos'.

La cita ye'l xueves a les 18.30 hores na Casa de les Muyeres, cola intervención de María Valvidares, Berta Rozada y Silvia Fernández García. Va moderar l'alderique Pablo M. Testa, del GIMEC-CEDCS, que pa esta cita cuenta tamién cola collaboración del Conceyu de Mieres.

Na semeya, Casa de les Muyeres. Semeya propiedá del Conceyu de Mieres.