Asina van ser los bonos de descuentu d'Asturies nel pequeñu comerciu

Cada ciudadanu va poder gastar un total de cinco nun periodu de dos meses.

El programa de bonos de descuentu nel comercio minorista qu'impulsa'l Gobiernu p'apoyar les ventes en periodos de baxa demanda y empobinar al consumu va desenvolvese en mayu y xunu. La conseyera de Transición Ecolóxica, Industria y Desendolcu Económicu, Nieves Roqueñí, robló un conveniu de collaboración con Abanca Corporación Bancaria, la entidá financiera encargada de la xestión d'esta iniciativa a la que dedica 2 millones d'euros.

El sistema de descuentos va organizase al traviés d'una plataforma web na que los usuarios, previo rexistru, podrán descargarse los bonos, un máximu de cinco de 10 euros caún. Éstos tendrán formatu dixital, al traviés d'un códigu QR, y tarán disponibles pal so usu nuna aplicación que permita facer pagos dixitales.

Los bonos podrán emplegase nún o en dellos de los comercios minoristes que s'adhieran al programa. En total emitiránse 200.000 bonos que beneficiarán a cerca de 40.000 persones.

El descuentu de 10 euros fadráse sobre una compra mínima de 30 euros, IVA incluyíu. Esto ye, si'l productu val 30 euros, el veceru pagaría 20.

Roqueñí aseguró qu'esti programa de sofitu al pequeñu comerciu movilizará un volume de negociu inducíu nel sector de seis millones.

Na semeya, Lino Comesaña, direutor de Negociu Institucional d'Abanca Corporación Bancaria pa Galicia, España Norte y Portugal, y Roqueñí roblen el conveniu.