Luis Núñez y los Folganzanes asoleya un cantar d'adelantu del so discu nuevu

‘Dunes del alma’ ye’l cantar que sirve d’adelantu del discu nuevu de Luis Núñez y los Folganzanes, con salida prevista pal añu qu’entra, y que’l grupu presenta con un videoclip dirixíu y producíu por Marginaris. Esti xueves hai una oportunidá de sentilu en direuto en Xixón.

Luis Núñez nun apara de crear y yá ta trabayando xunto cola son banda nel so trabayu próximu. Depués del proyeutu Intermitentes’ xunto con Susana Sela que vieno acompañáu del CD ‘Viaxar con poco pesu’, sigue la collaboración cola escritora, lletrista d’ésti ‘Dunes del alma’ pa Luis Núñez y los Fonganzanes.

El cantar va sirvir d’adelantu pal quintu trabayu de la formación depués de ‘El cantar de folganzán’ (2013), ‘Xuro nun tornar’ (2016), ‘Blinca’ (2020) y ‘Xanzaina’ (2021), cola previsión d’asoleyalu nel 2025. Un videoclip sirve de carta de presentación del mesmu cola presencia del propiu Núñez y los actores Jairo Rodríguez y Tamara Bonicalzi.

‘Dunes del alma’ grabóse en CMG Estudios cola producción de Carlos Suárez por Núñéz (guitarra y voz), Fredo Trelles (batería), Edgar Vero (pianu) y Nel Carbajal (baxu). Luis Núñez y los Folganzanes van actuar mañana a les 19 hores en Xixón, nel Atenéu de La Calzada, con entrada llibre hasta completar aforu.