Noticies a La Gueta

Un xuegu permite deprender y reforzar les partes del cuerpu humanu n'asturianu

El cuerpu humanu Ḷḷena primer planu

Les neñes y neños de la Escuela Infantil El Nial, de La Pola (Ḷḷena), deprenden y refuercen les partes del cuerpu n'asturianu gracies a un xuegu qu'usa la variante llocal del idioma. El Día de la Llingua Materna recibieron la última de les entregues, la de les les piernes, qu'inclúi pieces que colocar nel todíu, la canieḷḷa o'l cadril.

Lleer más

El Follosu llevó l’Antroxu tradicional avilesín a escolinos de la villa

El Follosu nel CP Marcelo Gago

El Colexu Públicu Marcelo Gago celebró l’Antroxu cola visita de cuatro personaxes recuperaos del Antroxu tradicional avilesín y de Les Reines del Goxu y la Faba. El Follosu foi la gran atracción ente les escolines y escolinos del centru, que disfrutaron de delles actividaes nel patiu.

Lleer más

Día de la Llingua Materna: recursos nuevos pa trabayar na aula y en casa sobre esta xornada y l'idioma

Recursos Día de la Llingua Materna 2023

Esti martes, 21 de febreru, celébrase’l Día Internacional de la Llingua Materna, una xornada que busca poner en valor la diversidá llingüística y que vien acompañada de delles actividaes pal públicu infantil. Educastur presenta amás esti añu la ferramienta ‘Recursos pal aula/Recursos pral aula’ con conteníos mui diversos n’asturianu y gallego-asturiano pa toles etapes educatives.

Lleer más

Los capítulos de ‘Animalada Xabaz’ tornen a la pantalla de TPA

Xuacu, Sabela y Telva 'Animalada Xabaz'

La cabra Telva, el xabaril Xuacu y la osa Sabela –falante de gallego-asturiano– tornen a la pantalla xunto col restu de personaxes de ‘Animalada Xabaz’. TPA repón dende esti sábadu esti programa infantil n’asturianu que s’estrenó na Selmana Santa del 2021.

Lleer más

‘¡Echa al Trasgu!’: un xuegu pa tola familia col que conocer la mitoloxía asturiana

Cartes '¡Echa al Trasgu!'

Acuto Xuegos tien a la venta un xuegu de cartes nuevu, de nome ‘¡Echa al Trasgu!’, afayadizu pa disfrutar en familia o ente collacios, con instrucciones n’asturianu, gallego-asturiano y castellano. Los seres mitolóxicos asturianos protagonícenlu, polo que ye una perbona ferramienta pa conocelos.

Lleer más

‘Astérix y los normandos’ y trés reediciones llegaron del galu esti 2022

Cubierta 'Astérix y los normandos'

Dende’l 2013, cuando espublizó ‘Astérix na tierra los pictos’, Salvat-Bruño vien tolos años –sacante’l 2018– asoleyando álbumes del personaxe galu en llingua asturiana. L’últimu ye ‘Astérix y los normandos’, númberu 9 de la coleición, que se suma a trés reediciones de títulos que yá taben escosaos.

Lleer más