Primeru Mayu: movilizaciones en Llangréu y Xixón

USO celebra n'Asturies la so manifestación central, cola presencia de la Executiva Confederal y militantes de tol Estáu.

Mañana ye'l Primeru Mayu y los trabayadores asturianos van movilizase, como ye vezu, pa defender los sos derechos. Los sindicatos mayoritorios van manifestase en Llangréu, mentes que los minoritarios caltienen Xixón pa la so marcha, ciudá que tamién va acoyer la de Unión Sindical Obrera (USO), con salida anunciada nel mesmu sitiu y a la mesma hora.

El Parque Vieyu de La Felguera va ser al meudía el puntu d'entamu de la convocatoria de Comisiones Obreres (CC OO) y la Unión Xeneral de Trabayadores (UXT) baxo'l lema 'Por el pleno empleo: reducción de jornada, mejores salarios'. Los participantes van dirixise hasta Sama, con final previstu nel Parque Dorado.

A la mesma hora va salir la manifestación convocada pola Confederación Nacional del Trabajo (CNT), Corriente Sindical d'Izquierda (CSI), la Confederación General del Trabajo (CGT) y Intersindical Asturiana, qu'inclúi a SUATEA, Sindicatu Ferroviariu (SF de Asturies), Colectivo de Trabajadores (CT) y Izquierda Sindical Asturiana (ISA). Va ser de L'Humedal col lllamientu 'Llucha polos derechos llaborales y sindicales!!!'.

Ta anunciada tamién en L'Humedal a les 12 hores la marcha central d'USO 'Por el empleo, sin letra pequeña' cola presencia de Joaquín Pérez, el so secretariu xeneral, y militantes la Comunidad de Madrid, Cantabria, Galicia, La Rioja, Aragón, Estremaúra, Castilla y Lleón, y Castilla-La Mancha. La ruta prevista ye la siguiente: Álvarez Garaya, Plaza del Carmen, Munuza, San Bernardo, El Náutico Plaza Mayor y El Marqués.

Na parte superior de la imaxe, cartelu difundíu por CC OO y UXT. Nel inferior, el de los sindicatos minoritarios.