El xixonés CIFP del Mar entra na Rede Estatal de Centros d'Escelencia

Los de Cerdeño, Avilés y la Llaboral, tamién en Xixón, yá contaben con esti reconocimientu.

El Ministeriu d'Educación, Formación Profesional y Deportes incluyó al Centru Integráu de Formación Profesional (CIFP) del Mar na Rede Estatal de Centros d'Escelencia de Formación Profesional. La xixonesa ta ente les 21 candidatures escoyíes esti 2023.

Gracies a esti reconocimientu va recibir 432.000 euros, el total de la cuantía solicitada al ministeriu, pa cinco proyeutos venceyaos col ameyoramientu d'infraestructures, aiciones d'innovación, formación de profesoráu o estudios sobre espeutatives del mercáu llaboral. Estos fondos proceden del Plan de Recuperación, Tresformación y Resistencia y canalizaránse al traviés de la Conseyería de Ciencia, Empreses, Formación y Emplegu.

En total hai 66 centros nesta rede, de los que 4 son asturianos. Éstos son impulsores de nueves metodoloxíes, ecosistemes innovadores y últimes teunoloxíes al serviciu de la Formación Profesional, con una inversión de 61,6 millones.