El Festival Interceltique de Lorient avanza nel Année des Asturies con ésitu de públicu y un gran ambiente. Una atmósfera especial que pudo descubrir el presidente Adrián Barbón, qu'avanzada la xornada aseguraba que “ye mui importante qu'Asturies s'asitie nesti festival".
El LI Festival Interceltique de Lorient entamó de la meyor manera pa la delegación asturiana nel añu na que ye convidada d’honor. El gaiteru sierense Fernando Vázquez Cárcaba ganó’l XXV Trophéee Mac Crimmon, que vuelve asina a Asturies depués del últimu trunfu gallegu.
El bon tiempu acompaña y los habitantes d’An Oriant y visitantes, munchos desplazaos dende Asturies, empiecen a disfrutar del ambiente del certame. Yá arrancó’l LI Festival Interceltique de Lorient, Année des Asturies, y la gaita asturiana suena nesta población bretona que se convierte estos díez díes na capital del mundu celta.
De 9 a 13. El númberu d’empreses con productos y servicios n’asturianu que vien acoyendo estos últimos años el puestu d’Iniciativa pol Asturianu na Feria Internacional de Muestres d’Asturies (FIDMA), qu'abre les sos puertes el sábadu, amplíase nesta edición, na que VerAsturies tamién va contar con un espaciu propiu.
Los munchos visitantes de dientro y fuera d’Asturies qu’acuden dende esti xueves a Xedré al Prestoso Fest van recibir una carta de bienvenida que fala de la música de la zona, de la cultura popular y del asturianu, con pallabres na variante occidental del idioma. Tamién reivindica xunto con Puru Remangu’l cachu de vinu.
Col títulu billingüe ‘La cultura sidrera, esencia d’Asturies. Conexión natural’ preséntase la esposición d’esti añu del pabellón del Gobiernu na LXV Feria Internacional de Muestres d’Asturies (FIDMA). Pretende reflexar la tresformación del país “al traviés de dos elementos vertebradores del territoriu: la sidra y el ferrocarril”.
El gaiteru gallegu Carlos Núñez abre esti miércoles el XXV Festival Intercéltico d’Occidente (FID’O) con un doble conciertu que yá tien toles entraes escosaes. Per delantre queden cuatro díes d’actividaes en Tapia con un ambiente aseguráu y conciertos na playa del Murallón.
El sábadu 20 d’agostu va celebrase oficialmente na LXV Feria Internacional de Muestres d’Asturies (FIDMA) el Día de la Llingua Asturiana. La Cámara de Comerciu de Xixón vio con bonos güeyos el pidimientu d’Iniciativa pol Asturianu de dedicar una xornada al nuesu idioma, con una visita institucional y actividaes en tol recintu ferial.
L’asociación Huellas del Sella repite la campaña de recoyida de firmes qu’axuntó más de 57.000 sofitos contra “la tortura animal en Cangues d’Onís” cola intención de frenar la corrida anunciada pal 20 d’agostu en Benia. ANADEL, pela so parte, concentróse’l vienres na capital d’Onís p’amosar el so refugu a esti eventu priváu.
