Los principales ministros del Gobiernu israelí, conocíos como'l Foru de los Siete, aconceyaránse demientres tou esti llunes p'acabar un acuerdu de lliberación de presos palestinos que permita la entrega per parte de Hamas del soldáu de Gilad Shalit, reeteníu na Franxa de Gaza dende'l 2006.

La propuesta que paez cobrar fuerza ye la de lliberar a 950 milicianos y activistes de Hamas --de los 11.000 presos en cárceles israelís--, dalgunos d'ellos condenaos por ataques terroristes, pa llograr la lliberación de soldáu de 23 años, según fontes consultaes pol diariu 'Jerusalem Post'.

El que fuere voceru de Batasuna, Arnaldo Otegi, unvió, dende la prisión de Soto del Real (Madrid) na que cumple condena, una carta a otru presu de la cárcel de Zuera (Zaragoza), na que cuestiona l'actitú "zarrada" del sector alliniáu coles tesis más dures y defende les plantegaes na propuesta 'Fase politikoaren eta estrategiaren argipena' (esclaramientu de la fase política y la estratexa), debatida ente les bases de la izquierda abertzale y dempués refrendada na Declaración d'Alsasua.

El grupu asturianu ska-fusión Falanoncaduca va ufrir tres conciertos n’homenaxe a Carlos “Gaites”, saxu del grupu emigráu a Polonia y que “tornó a casa per navidá”. Esta minixira va llevalos a los chigres El Teatrucu de Ḷḷena, L’Habana de Mieres y El Baruku de Xixón. Va ser la única oportunidá de ver en direutu al grupu hasta’l branu de 2010, yá que’l restu l’añu van tar componiendo’l so primer discu.

La secretaria d'organización del PSOE, Leire Pajín, negó esti llunes "dafechu" que'l Gobiernu reconociere "la sobernaía de Marruecos respeuto al Saḥara Occidental" nel comuicáu qu'emitió dempués de que'l país magrebí permitiere la torna a L'Aaiún de l'activista saḥaraui Aminatu Haidar y, tres alvertir que los socialistes nun aceptarán "lleiciones" del PP sobre esti asuntu, pidió al primer partíu de la oposición que dexe de "tentar de confundir" a los ciudadanos.

El miembru de la Dirección Nacional del Bloque por Asturies y responsable de movimientos sociales y formación Nacho González, va tar visitando dende’l 23 d’esti mes hasta’l día 8 de xineru del 2009 al Pueblu Mapuche en Chile. Asina quieren conocer la realidá y llucha d’esti pueblu, pa llueu presentar un informe a l’Axencia Asturiana de Cooperación.

Esti domingu 20 d'avientu, la Tertulia Cultural El Garrapiellu aconceyóse con bien de socios y collacios na vieya ilesia de La Collá, nel conceyu de Siero. Con esta cita l'asociación quier tamién facer un llamáu del llamentable estáu d'abandonu y escaecimientu que sufre'l patrimoniu asturianu.
 

Los representantes de los sindicatos CC.OO, Suatea, y CSIF mostraron güei nel Parlamentu la so oposición al Proyectu de Llei d'Asturies d'Evaluación de la Función Docente y los sos Incentivos, polo que llegaron a pidir la retirada del mesmu, en palabres de la representante de Suatea, Beatriz Quirós. Amás, los lletraos, Carlos Álvrez-buylla y Teresa Gallart alvirtieron de la posible inconstitucionalidá del proyectu que calificaron.

En rellación colos fechos acontecíos nel barriu de L’Arena poco enantes del partíu del Real Sporting col Sevilla C.F., el Bloque por Asturies camienta que ye incompresible que la Delegación del Gobiernu y la direutiva del Sporting nun actúe a tiempu pa que nun pasen coses nun partíu que se presumía de munchu riesgu.

La Tertulia Cultural El Garrapiellu presentó estos díes el cartafueyu “Travesía andariega de Xixón a Cuadonga”, fechos col envís de dar a conocer esta ruta. D’esta publicación fizose una tirada de dos mil quinientos exemplares y hai l’enfotu de facer más pal añu qu’entra.

El Conseyu Escolar d'Euskadi cree "procedente" la sostitución, nos decretos de los currículos d'Educación, del términu 'Euskal Herria' nel ámbitu político-alministrativu y el caltenimientu d'esta denomación nos ámbitos cultural y llingüísticu, a la vez que propón que nel preámbulu de la norma s'esprese "un mensaxe positivu d'atención prefrente hacia l'eusquera". Tamién insiste na necesidá de superar l'actual sistema de modelos educativos.