Énte’l despidu de 37 empleaes del sector comercial de la empresa Konecta n’Avilés, sumáu a los yá 82 despidos del mes de xunetu d’esti añu, el Bloque por Asturies vien d’amosar el so sofitu a los trabayadores. La organización solicita que les empreses que reciben subvenciones del Principáu col oxetivu de xenerar emplegu y nun cumplan, devuelven la totalidá de les perres concedies.

El Principáu d'Asturies invirtió ente xineru y setiembre del 2009 cerca de 0,9 millones d'euros, un 36,4 por cientu menos que nel mesmu periodu del 2008. D'esta manera, Asturies ocupa la última posición na llista d'anunciantes de l'Alministración Autonómica demientres los nueve primeros meses del 2009.

La Coordinadora Ecoloxista d’Asturies va entregar güei la Buyada Purpurina al Gobiernu d’Asturies por “dir a la contra de cualesquier propuesta de meyora ambiental y democrática que se proponga”.  Dende la Coordinadora señalen “l’engañu continuu que realiza’l Principáu y la presión contra los que nos oponemos a proyeutos que n’otros llares nun pasaríen nengún filtru y equí son almitíos”.

Les fuerces de seguridá marroquís detuvieron y supuestamente torturaron a la moza saharaui Fatimetu Mint Rahel al tentar de visitar la casa de l'activista Aminetu Haidar n'El Aaiún, según informó esti llunes el Ministeriu de los Territorios Ocupaos y de les Comunidaes Saharauis nel Esterior de l'autoproclamada República Árabe Saharaui Democrática (RASD), que lidera'l Frente Polisariu.

Cuatro millones de croates votaron ayeri pa elixir el nuevu presidente, que tendrá que sustituir a Stipe Mesic y trabayar por integrase na Unión Europea. El vencedor na primer vuelta foi’l social-demócrata Ivo Josipovic, col 30% de los votos.

Güei fai 25 años qu’Andrés Solar perdiera la vida nun accidente de tráficu en Sotrondiu. La so narrativa xira casi toa sobre’l mundu de la infancia y la mocedá nun mediu rural que puxa col urbanu, pero lloñe del bucolismu y arcaismu de la lliteratura costumista. Cola so muerte les lletres asturianes perdieron ún de los grandes escritores del primer Surdimientu. Con una curtía obra lliteraria, que de siguir güei él ente nós naide sabe onde pudiera llegar, l'escritor ye anguaño too un símbolu del movimientu de reivindicación llingüística.

El 90% de los llectores d’Asturies.com ve acertada la decisión de Francisco Javier García Valledor de dimitir del so cargu de diputáu d’IU na Xunta Xeneral. Sicasí, un 42% camienta que’l xestu hónralu como políticu, mientres un 48% piensa que tenía qu’habelo fecho enantes. Per otru llau, un 10% de los llectores diz que tenía que siguir nel Parlamentu defendiendo les sos idees.

Asturies.com abre güei una nueva encuesta pa que los nuesos llectores puean amosar la so opinión.

El Bloque por Asturies dio güei a conocer el so posicionamientu sobre la Llei d’Evaluación Docente, nel que fai un llamáu a la reflexón y desixe que s’abra la negociación a propuestes “que de verdá apuesten por una meyora de la calidá de los servicios públicos, axustaes a la llegalidá, con ausencia de discriminaciones salariales ente persones que desarrollen el mesmu trabayu y con criterios oxetivos d’evaluación y mesmos niveles de promoción profesional pa toles estayes de l’alministración”.

L’exércitu israelín mató a seis palestinos, tres en Gaza y otros tres en Cisxordania. Los fechos prodúcense un día enantes del primer aniversariu de la invasión israelina a Gaza, na que morrieron 1.400 palestinos y 13 israelinos.

L’Estáu xudíu atacó Gaza por tierra y aire, mientres que na ciudá Cisxordana de Nablus, tres siguidores d’Al Fatah foron titoteaos mientres taben na so casa. L’aición hebrea cometióse díes depués de qu’un israelín morriera nuna emboscada camín de Cisxordania nun ataque atribuíu a les Brigaes de Mártires Al-Aqsa d’Al Fatah.

Agradeciendo a l’Axencia Asturiana de Cooperación (AAC) poder falar n’asturianu, “un deséu que siempre tuvi dende que recibí la solidaridá d’Asturies”, entamó l’activista y escritor colombianu Héctor Mondragón la videoconferencia dende Brasil col xixonés local de l’asociación Solpedaz Pachakuti, onde l’AAC presentaba la traducción asturiana de “La estratexa del imperiu. Too pal capital tresnacional”.