El Bloque va visitar al pueblu mapuche pa conocer la so realidá

El miembru de la Dirección Nacional del Bloque por Asturies y responsable de movimientos sociales y formación Nacho González, va tar visitando dende’l 23 d’esti mes hasta’l día 8 de xineru del 2009 al Pueblu Mapuche en Chile. Asina quieren conocer la realidá y llucha d’esti pueblu, pa llueu presentar un informe a l’Axencia Asturiana de Cooperación.

L’oxetivu de la visita ye verificar in situ, la realidá que vive esti pueblu y la llucha que tán desenvolviendo pola defensa de la tierra y los sos derechos ancestrales contra’l gobiernu chilenu y les multinacionales asentaes nel so territoriu, “que son los grandes responsables de la perda d’identida, la represión y los desplazamiento forzaos de la población mapuche”, según señalen.
 
Mientres estes selmanes el responable del Bloque, va entrevistase con representantes políticos, sociales, autoridaes públiques, familiares de les víctimes del conflictu y presos políticos nes cárceles chilenes. A la vuelta de la visita va presentase un informe a la sociedá asturiana y a Rafael Palacios como Director de l’Axencia Asturiana de Cooperación al Desarrollu y responsable de derechos humanos.