Mañana pela nueche L’Esteru baxa de les viesques de los montes más orientales d’Asturies, onde lleva tol añu tronzando lleña, y vien trayer regalos a tolos neños del país. Si tovía nun lo fixisti, ainda tas a tiempu d’escribi-y la carta. Dende Asturies.com y la llibrería Paraxuga recomendávosmos que pidáis regalos n’asturianu y pa ello vamos aconseyavos dos llibros y dos discos “made in Asturies”.

El director del Anariu de la Música Asturiana, Xune Elipe, considera que cola crisis "los primeros en cayer del cartel" de les fiestes y eventos públicos son los grupos de música asturianos, y criticó por ello a les instittuciones y a organizadores de eventos nesti sen.

Fízolo güei, na rueda de prensa de presentación de la décima edición del Anuariu, qu'esti añu analiza la repercusión de la crisis económica del panorama musical del país, especialmente no que cinca a la celebración de conciertos que, según dixo, descendió enforma.

La mesa del Parlamentu catalán refugó ayeri col votu de tolos partíos, dende ERC al PP, el tramite de la iniciativa llexislativa popular (ILLP), pa celebrar un referendu sobre la independencia de Cataluña que tenga’l calter d’oficial. Según los partíos catalanes, la Generalitat nun tien competencies pa convocar una consulta oficial.

Asturies.com TV ufre un videu sobre los XXV Premios Andrés Solar, celebraos nel Salón d’actos del Antiguu Institutu de Xixón esti pasáu sábadu 19 d’avientu. Nel reportaxe pue vese una entrevista al voceru de la Xunta pola Defensa de la Llingua, Carlos Pulgar, y un cachín de l’actuación que’l grupu Lucas 15 ufrió na entrega de premios.

Tamién pues ver una galería de semeyes de los premios pinchando equí.

Serbia presentó esti martes formalmente la so solicitú d'ingresu na Unión Europea ante les autoridaes de Suecia, qu'hasta'l final de mes lleva la presidencia de turnu del bloque. El presidente serbiu, Boris Tadic, reconoció qu'esti pasu ye sólo l'entamu.

"Ye una cuestión completamente diferente si algamáremos l'estáu de candidatu (a entrar na UE) antes de completar la nuesa cooperación col tribunal de L'Haya", adelantó esti llunes Tadic en referencia al Tribunal Penal Internacional pa l'antigua Yugoslavia (TPIY).

Los responsables d’Altuxa, cola collaboración de Softastur, tan trabayando al traviés del dominiu ximielgame.net nel proyeutu d’una rede social n’asturianu qu’anguaño ta en fase de pruebes. Va ser un complementu a Facebook o Twitter, yá que según señala ún de los sos responsables, Mikel González “nun tien sentíu dexar aislláu Ximiélgame, sería como facer un guetu d'asturfalantes”.

Cataluña dio güei un primer pasu pa la oficiliadá del aranés, dempués de que'l Conseyu Executivu de la Generalitat aprobare güei l'anteproyectu de Llei del Aranés, que contemplará qu'esta llingua puea utilizase ante toles alministraciones en tol territoriu catalán.

Nun discursu pronunciáu dafechu en castellán, la Conseyera de Cultura y Turismu, Mercedes Álvarez, afaló a los cinco ganadores de los Premios Lliterarios y a tolos escritores na llingua del país que “tán poniendo la lliteratura asturiana nel presente y nel futuru, algamando reconocimientu dientro y fuera”. Pa la Conseyera una bona lliteratura ye “un pegoyu fundamental de la normalización social” que “llevanta un edificiu de respetu y llealtá al asturianu”.

Los Gobiernos d'España y d'Asturies confirmaron ayeri llunes l'acuerdu que da lluz verde al nuevu modelu de financiación autonómica, qu'entamará a aplicase de magar el próximu añu. Asturies yá dio'l pasáu mes de xunetu, nel Conseyu de Política Fiscal y Financiera, el so apoyu al nuevu sistema, al recoyer les sos principales exixencies,según informó'l Gobiernu autonómicu nuna nota prensa.