L’Asociación Cultural l’Arribada anuncia la convocatoria del IV Premiu Timón, p’autores en llingua asturiana y n’eonaviegu, y del I Premio Timón p’autores asturianos en castellán, “colos que se fai reconocencia de trayectories lliteraries d’especial valir”, señalen. Pa ello, abren dende güei’l plazu de presentaciones de candidatures que trescurrirá hasta’l 1 de mayu viniente. La fallecida Nene Losada Rico, Xuan Xosé Sanchez Vicente y Manuel García “Galano” foron los anteriores ganadores d’esti premiu.

El presidente de l'Autoridá Palestina, Mahmud Abbas, señaló esti martes que si Israel interrumpe dafechu la construcción d'asentamientos hebreos que s'alcuentren en territorios ocupaos, como recueye la 'fueya de ruta', podría algamase un acuerdu de paz nel plazu de seis meses.

Esti xueves 17 d’avientu, a les 20.30 hores, la Tertulia Pachín de Melás empobina un alderique sobre la problemática y los retos a los que s’enfrenten les persones con discapacidá. Baxo’l títulu de “"Carreres d'obstáculos. Discapacidá ya Igualdá", la tertulia celebra’l so primer aniversariu pretendiendo ser un “marcu d’alderique abiertu y participativu onde toos puean espeyar les sos opinioes”.

Ún de los directivos del diariu vascu Egunkaria qu'esti martes entamaron a prestar declaración ante l'Audiencia Nacional, acusaos d'integración n'ETA, Iñaki Uria, negó "dafechu" que la banda interviniere na creación del rotativu nin na desginación de los sos cargos o la toma de decisiones y aseguró desconocer la procedencia de los documentos supuestatemente atopaos a miembros d'ETA que, según la versión de l'acusación particular, los rellacionaben y que, argumentó, publicáronse en prensa "pa facer dañu" al so periódicu.

Andecha Astur y la organización de mocedá Darréu entamen el próximu fin de selmana les sos IX Xornaes de Formación, que se van desendolcar en Pientueles (Piloña). Col títulu de “La izquierda asturiana del sieglu XXI” recoyerán a lo llargo del fin de selmana delles ponencies, alderiques y talleres “col finxu d’afondar na formación”.

Esti martes 15 d’avientu fixéronse 150 años del ñacimientu en Polonia de Lázaro Zamenhof, un xudíu que lluchó pol entendimientu y averamientu ente los pueblos del mundu al traviés de la comunicación. Pa ello, Zamenhof creo una llingua nueva: l’esperantu. Los ideales de fraternidá de Zamenhof y la simplicidá gramatical del esperantu fixeron que’l movimientu esperantista nun dexara de medrar hasta los nuesos díes.

  El rector de la Universidá d'Uviéu, Vicente Gotor, recordó güei que se ta creando na Institución una Comisión pa la Normalización Llingüística de la Universidá, que s'encargará de desarrollar la política llingüística. Foi una parte de la respuesta que'l responsable universitariu dio a la intervención nel claustru celebráu esta mañana de los representantes del Conceyu Universitariu pol Asturianu (CUPA), que pidieron una aceleración de la política llingüística.

El PSOE y los grupos minoratories del Congresu, menos CIU, pesllaren esta tarde un testu común sobre'l casu 'Haidar', qu'inclúi elevar les xestiones diplomátiques ante Marruecos "al máximu nivel", que contempla la mención al derechu d'autodetermín del pueblu saharaui, cola inclusión d'una cita al referendu que se pactó nel marcu de les Naciones Uníes y que yá nun recueye la ufierta del estatutu d'asilu o refuxu que'l Gobiernu propunxo a l'activista.

El presidente estaounidense, Barack Obama, ordenó al Gobiernu estaounidense, que merque una prisión en Illinois p'acoyer a dalgunos de los prisioneros del centru de detención de la base de Guantánamo, en Cuba, según una carta de la so Alministración dada a conocer esti martes.

La misiva dexa claro qu'Obama nun tien intención de poner en llibertá a nengún de los prisioneros en territoriu estaounidense y ta firmada pola secretaria d'Estáu, Hillary Clinton, y el secretariu de Defensa, Robert Gates, y dirixida al gobernador d'Illinois, Pat Quinn.