El Garrapiellu reivindica'l texu y el patrimoniu asturianu en Siero

Esti domingu 20 d'avientu, la Tertulia Cultural El Garrapiellu aconceyóse con bien de socios y collacios na vieya ilesia de La Collá, nel conceyu de Siero. Con esta cita l'asociación quier tamién facer un llamáu del llamentable estáu d'abandonu y escaecimientu que sufre'l patrimoniu asturianu.
 
Como yá ye vezu d'esta asociación, colocose'l Nacimientu nes ruines del templu d'esta parroquia sierense. Nel texu asitiáu a la vera la ilesia, fizose una dancia prima col enfotu de reivindicar esti árbol sagráu de los antiguos habitantes d'Asturies, enta se puen atopar estos árboles apegaos a bien de llugares relixosos.