El Bloque amosó’l so refugu al banzáu de Caliao y a la incineradora. Del mesmu mou, señalaron a la Viceconseyera de Mediu Ambiente como vocera de quienes quieren romper el pautu de gobiernu y sumir Asturies na “inestabilidá y la debilidá institucional, en función de los sos intereses personales”.

Asturies.com TV ta acabantes d’estrenar la serie “Instrumentos Tradicionales d’Asturies”. La serie ta fecha en collaboración cola Escuela de Música La Quintana y va constar de siete capítulos. Nésti primeru, David Varela preséntanos l’acordión.

UNA esixe al Conceyu una política de conservación del patrimoniu artístico-cultural d'Uviéu. Del mesmu mou, piden soluciones pal estáu de la panera del Parque d’Iviernu.

El 83% de los llectores qu’opinaron nel Conceyu Abiertu d’esta selmana, tán d’alcuerdu cola impugnación per parte de Xuristes pol Asturianu, yá que’l testu pon-y torgues al usu del asturianu dientro de la Universidá.

Quedáronse nun 17% los llectores que camienten que la midida nun ye bona por ser una posición maximalista.

Xuristes pol Asturianu vien de denunciar un casu de discriminación llingüística en Xixón, onde un ciudadanu nun pudo usar l’asturianu y recibió un tratu “indignu” por facer usu d’esti idioma na alministración local. Xuristes pide-y a l’Alcaldesa de Xixón que “corte pela freba cola discriminación llingüística”.

Pauline en la Playa presenta en primicia'l so discu nuevu,  “Física del equipaje” nel Teatru Xovellanos de Xixón el próximu domingu 24. El conciertu va cuntar cola collaboración de La Bandina y cola presencia nel escenariu de David Varela en bona parte del conciertu.

Suburbia Ediciones ta acabantes d’asoleyar el poemariu “Cácabos d’adoquín” d’Iván Cueva. El llibru  ye la estrena poética del autor xixonés y según indiquen dende la editorial trátase de poesía urbano.

El Ministeriu d'Industria, Turismu y Comerciu publicó nel BOE'l real decretu pol que se declara zona susceptibles de ser un efeutivu almacenamientu de dióxidu de carbonu, al área denominada 'Asturies Centru', nel nuesu país y parte de la plataforma continental costera.

Yá son 25 los perfiles abiertos na primer selmana de Ximiélgame, la nueva rede social n’asturianu. Pa ún de los sos responsables, Mikel González, el so furrulamientu va bastante bien, anque tovía nun tienen una fecha afitada p'abrilo al públicu en xeneral. Pel momentu namás tán usándolo los blogueros que yá votaron pol “meyor blogue 2009”.