La Direición de la Proteición Civil (DCP) estimó en 75.000 el númberu de víctimes mortales del terremotu del pasáu 12 de xineru, según informaron esti miércoles los medios de comunicación llocales.

La Real Academia Galega va escoyer al so presidente’l próximu sábadu 23 de xineru. Pel momentu l’únicu candidatu ye Xosé Luis Méndez Ferrín, ún de los meyores escritores en llingua gallega, políticu del nacionalismu estraparllamentariu y conocíu defensor de la galleguidá de la zona ente'l Navia y l'Eo.

L'alcalde de Lleón insistió güei en que la Xunta de Castiella y Lleón tien capacidá de decisión sobre la execución de la llinia d'alta tensión Sama-Velilla, igual que l'Executivu central y el d'Asturies.

De la mesma manera, Francisco Fernández (PSOE) apuntó que se trata d'un proyeutu que se plantegó hai más de 28 años y non una iniciativa surdida del actual Gobiernu d'España, polo qu'espresó la necesidá d'ofrecer a la ciudadanía información "real" sobre esti asuntu.

El Bloque por Asturies ve con preocupación qu’Asturies sía una de les Comunidaes onde tán apaeciendo más noeonazis según los datos de la Policía Nacional y la Guardia Civil. Pal Bloque, l’exemplu más claru foi’l partíu del Sporting col Sevilla.

La vocera d'Unidá Nacionalista Asturiana en Xixón, Yolanda González, esixó al PSOE y al PP respetu a los ciudadanos, asina como'l fin de les "bufonaes" demientres los plenos, que considera especialmente graves nuna época de crisis como ésta.

La superficie agroganadera destinada a producción ecolóxica medró nel 2009 un 19% y la producción de la xata asturiana ecolóxica, el so elementu estrella, aumentó un 51%, con un total de 154.995 kilogramos.

El Ministru de Xusticia dixo que'l borrador del decretu del gallegu na enseñanza "nun pue tratar igual" a dos llingües oficiales qu'a un idioma estranxeru, al tiempu qu'alvirtió que "nun se deben alterar n'escesu" consensos llingüísticos que, como en Galicia, funcionaron "razonablemente bien".

Felpeyu dará un conciertu’l próximu vienres 22 de xineru nel marcu del prestixosu festival Celtic Connections, que va celebrase en Glasgow (Escocia) ente los díes 14 y 31 d’esti mes. El grupu asturianu compartirá cartel con grupos como The Chieftains o Wolfstone.

Axentes de la Policía marroquina cargaron esti sábadu contra una manifestación de saharauis pa reclamar el drechu d'autodetermín y la fin del cercu na casa d'Aminetu Haidar, según informó'l Ministeriu pa los Territorios Ocupaos de la República Árabe Saḥaraui Democrática

Los ganadores del meyor blogue 2009 van recibir, amás de CDs cola cabera versión d’Ubuntu, dellos exemplares del últimu númberu de la revista Formientu.