UNA solicita al Ayuntamientu de Xixón qu'esplique les causes del esbarrumbe del edificiu de la Cai los Moros y les midíes preventives adoptaes. Pa la vocera de la organización en Xixón, Yolanda González, la Conceyalía d'Urbanismu disponía d'información abondo pa evitalo.

La Coordinadora Ecoloxista amosó'l so malestar pola respuesta de la Conseyería de Cultura a la denuncia que realizaron sobre los daños na Sierra de Carondio, por mor de les obres d'accesu al parque eólicu.

El voceru d'ERC nel Congresu y secretariu xeneral d'esta formación, Joan Ridao, defendió güei la conveniencia de que los partíos catalanes reaiciones de manera conxunta ente la próxima sentencia del Tribunal constitucional sobre l'Estatutu.

L'alcalde de Lleón aseguró que nun acepten proyeutos por "imposiciones o dineru" tres les declaraciones de Manuel Chaves, nes que señaló que l'Executivu central estudia ofrecer compensaciones p'algamar la llinia d'alta tensión Sama-Velilla.

El presidente de Moldavia, Mihai Ghimpu, quier que la llingua del so estáu pase a llamase rumanu, en llugar de moldavu. Anguaño, la Constitución del país fala del idioma como moldavu, sicasí, la declaración d’independencia noma a la mesma llingua como rumanu. Ghimpu quier integrar de nuevu la fala del Estáu nel tueru llingüísticu al que pertenez.

El presidente de l'Autoridá Palestina, Mahmud Abbas, afirmó esti xueves que resistirá la presión estoaunidense pa reanudar les conversaciones de paz a menos qu'Israel detenga en primer llugar y dafechu les contrucciones d'asentamientos en Cixordania.

SOS Corporación Alimentaria robló un acuerdu de collaboración estratéxica con Central Llechera Asturiana p'ampliar la so presencia na canal 'horeca' (hostelería, restauración y catering), al traviés de la rede de distribuciones independientes que la empresa llechera tien nel territoriu español.

El territoriu d'Asturies soportaba temperatures tropicales, taba pobláu por grandes viesques que dieron llugar a los depósitos de carbón y yera'l centru de supercontinente 'Pangea', que configuraba la estructura terrestre fai 305 millones d'años.

Suatea esixe que'l gobiernu aclare cuál va ser la so política sobre la ufierta d’emplegu públicu docente, yá qu’al so paecer “siguen castigando al profesoráu interín que nun sabe si van convocase places de la so especialidá o si tendrá que presentase fuera d'Asturies”.

Mediapubli, editora del diariu Público, del grupu Mediapro, llegó a un prealcuerdu pa la compra del periódicu La Voz de Asturias, del Grupo Zeta, según confirmaron a Europa Press fontes de la cabecera que dirixe Félix Monteira.