Nacho Vegas zarra en Madrid la xira de 'El Manifiesto desastre'. Un discu al que siguió un EP, 'El género bobo', y con un tour col que volvió al direutu en solitariu, estrenó banda y comprobó que l'asistencia a los conciertos nun se correspuende coles ventes.

El PCE entamó una campaña de recoyida de firmes que, baxo'l títulu '¿En qué gastas mi dinero?', tien como oxetivu reclamar tresparencia nes cuentes de la Casa Real. La recoyida de firmes entamó a les 12 del mediudía na Puerta'l Sol.

El Conceyu Ḷḷena, l’Academia de la Llingua Asturiana y la Xunta Cultural Rebelgu, entamen un cursu d’asturianu p’adultos en La Pola. El cursu entama l’ún de febreru y nel van poder deprendese les carauterístiques llingüístiques del conceyu.

Los grupos ecoloxistes asturianos vienen d’amosar en conxuntu, les sos duldes sobre’l Proyeutu Frañagüesos del Principáu, yá que la recuperación d’una especie “nun pue ser a cualesquier preciu” y primeru hai qu’atender les especies que tovía esisten n’Asturies y cuerren peligru, anque nun s’oponen a la introducción de la especie “al traviés de la metodoloxía axeitada”.

El PP gallegu quedó solu na defensa del so llamáu “decretu del prurillingüísmu”, una norma que recurtia enforma la presencia del gallegu nel sistema educativa y que nun ta algamando’l prometíu consensu pol que puxaba Feijóo. Partíos, sindicatos, instituciones, RAG y la mesma Galicia Bilingüe, amosaron nun tar d’alcuerdu col testu.

L'autonomada "executiva d'IU d'Uviéu nun reconocida" esixó a Jesús Iglesias, qu'abandone'l so "autismu" políticu y proceda a la xestión del procesu de reingresu dende la nueva base orgánica en desarrollu de tolos escluyíos con anterioridá a les eleiciones municipales.

La ministra de Cultura almitió que na polémica sobre'l canon que los centros d'estética deben pagar por ofrecer música a los sos clientes hai que distinguir casos particulares, que se deben "analizar detalladamente" porque "dalgunos tendrán razón, y otros non".

"Otra cosa ye poner en cuestión que somos dueños de les nueses idees", distinguió la ministra, pa la que respetar el drechu d'autor ye "fundamental", porque nun puen esplotase les idees ayenes sin la conocencia del creador, recordó.

La Coordinadora Ecoloxista d’Asturies vien de solicitar a Mediu Ambiente l’entamu del cumplimientu de los oxetivos de calidá acústica poles 66 instalaciones industriales que tuvieron que superar el trámite.

El Colexu de Farmacéuticos de Barcelona (COFB) ellaboró una aplicación web que permitirá a los profesores entender los dolores de los sos alumnos en 18 idiomes diferentes, nun intentu por facilitar ferramientes comunicatives ente los docentes y los recién llegaos.

Omar Hassan al Bashir afirmó qu'apoyará al sur de Sudán si elixe independizase nel referendu que se celebrará l'añu que vien, no que supón la primer ocasión na que fala de la posibilidá d'una separación.