Los asesinatos d'índole machista descendieron l'añu pasáu un 27,65%, con un total de 55 víctimes mortales frente a les 76 de 2008, según el balance añal presentáu pol Ministeriu d'Igualdá.

El coleutivu de presos d'ETA (EPPK) entamó "una primer fase" de la "protesta" qu'anunciare nos últimos díes con un enzarru nes sos celdes, según una nota unviada al diariu vascu Gara.

La información, recoyida por Europa Press, precisa que, tres una selmana dedicada a espardir la so iniciativa, EPPK entamó una primer fase de protestes con "chapeos" col envís d'exixir a los Gobiernos español y francés un cambiu de la política penitenciaria.

El coordinador d'IU d'Uviéu, Alejandro Suárez, solicitó al Principáu paralizar la obra del Palaciu de Xusticia d'El Vascu. Al so xuiciu, trátase de la opción más intelixente pola falta de finaciación y les duldes sobre la llegalidá de la obra.

El responsable llocal d'IU mostróse sorprendíu poles manifestaciones de la conseyera de la Presidencia nes que xustifica'l coste de la obra pol preciu del suelu nel centru d'Uviéu. Pa Suárez, "los 100 millones de dineru públicu de más que pretenden pagar por esti palaciu nun se xustifiquen nesi preciu".

L'ex direutor xeneral de Vivienda y actual direutor xeneral de la Zalia, Enrique Álvarez, declarará mañana énte'l maxistráu del Xulgáu d'Instrucción númberu 2 d'Uviéu, Ángel Sorando,  pola denuncia del PP sobre l'axudicación del proyeutu de minipisos pa mozos na Llaboral.

Pela so parte, el miércoles, 13 de xineru deberá comparecer énte'l xuez, tamién como acusáu, el direutor xeneral d'Ordenación del Territoriu y Urbanismu, Guillermo Morales, según informaron fontes xurídiques a Europa Press.

Mediu centenar de poblaciones asturianes, asitiaes en nueve conceyos, rexistren dificultaes de comunicaciones per carretera por mor del temporal de nieve rexistráu nel país.

Aprovechando les votaciones a meyor blogue n’asturianu ábrense les primeres invitaciones pa prebar la rede social n’asturianu: Ximiélgame. Puen solicitar una cuenta les persones que yá votaron.

La vicepresidenta primera del Gobiernu, María Teresa Fernández de la Vega, apostó esti llunes pol xefe del Executivu, José Luis Rodríguez Zapatero, como candidatu a la reelección. De la Vega mostróse convencida de que "col tiempu" los ciudadanos valorarán les midíes del Executivu contra la crisis.

La Unión Comarcal de CC.OO únese a la demanda de los alcaldes de la zona y reclamó al Gobiernu d'Asturies pa la Senda l'Osu l'atención debida, al considerar que nestos "difíciles" momentos deben cuidase y potenciar los elementos de la Senda.

Al traviés d'un comunicáu, la organización sindical recordó que dende qu'en 1995 s'inaugurará la Senda l'Osu, ésta foi ganando relevancia turística a la par que se foi deteriorando progresivamente por falta de conservación.

El ministru d'Asuntos Esteriores y de Cooperación, Miguel Ángel Moratinos, pidió güei "discreación y enfotu" nel trabayu que'l Gobiernu desarrolla "día a día" pa llograr la lliberación de los trés cooperantes catalanes secuestraos en Mauritania por Al Qaeda, el pasáu 29 de payares.

Nos 'Desayunos Informativos' d'Europa Press, indicó que se trata d'un "asuntu mui dramáticu y difícil", pero refugó aportar detalles sobre cómo evolucionen les xestiones desplegaes pa tentar de lliberar a los miembros de la ONG Barcelona Acció Solidaria.

El  ministru de Defensa Israelí, Ehud Barak, pidió esti llunes a los dirixentes del Movimientu de Resistencia Islámica (Hamas) que controle a los grupos milicianos que cometieron una serie d'ataques contra Israel dende la Franxa de Gaza.