UNA pide que se depuren responsabilidaes pol vertíu d’escombros nel entornu protexíu n'A Serra de Carondio. Del mesmu mou, piden la dimisión del Direutor Xeneral de Política Forestal si se prueba que la información taba na so conocencia.

Los responsables de la votación  "meyor blogue n’asturianu 2009" anuncien que los tres primeros blogues de la llista y el ganador del meyor diseñu recibirán un CD orixinal de la cabera versión d’Ubuntu 9.10 n’asturianu.

Parte d'Asturies ta n'alerta mariella por nieve y foles, según datos de l'Axencia Estatal de Meteoroloxía (Aemet). En concreto, el cordal y Picos d'Europa, suroccidente d'Asturies, centru y valles mineros. En cuanto al llitoral, será'l del oriente asturianu'l que ta n'alerta por foles.

El presidente haitianu, René Préval, consideró que'l terremotu de 7,3 graos que sacudió el so país pudo dexar miles de muertos, si bien almitió que tovía nun foi posible realizar una "evaluación" sobre la catástrofe, qu'afeutó sobre too a la capital, Puertu Príncipe.

"Tenemos que facer una evaluación", reconoció Préval, nes sos primeres declaraciones públiques realizaes al diariu 'Miami Herald', calificando la escena na capital de "inimaxinable". "El parlamentu cayó embaxo, la oficina de Facienda tamién, les escueles esbarrumbaron, los hospitales tamién", esplicó.

El presidente del Senáu, Javier Rojo, recordó a los senadores nacionalistes qu'ayeri reclamaron l'usu de toles llingües na Cámara, que los votos son los que ponen cada iniciativa "nel so sitiu", polo qu'entamó a esperar a la tramitación de la propuesta y pidió'l mesmu respetu pa toles posiciones.

L'aeropuertu d'Asturies rexistró 94.358 pasaxeros nel pasáu mes d'avientu, lo que supunxo un incrementu del 3,5% sobre'l mesmu periodu del añu anterior, según informaron güei dende AENA

De la mesma manera, demientres el mes d'avientu'l númberu total d'operaciones nel aeródromu de Santiagu'l Monte foi de 1.071 operaciones, lo que supunxo un descensu del 14,03% menos que nel mesmu mes del 2008.

Les Xuntes Xenerales de Guipúzcoa aprobaron una enmienda pautada por Aralar, Hamaikabat y PNV, al traviés de la qu'esta cámara encamienta a l'Audiencia nacional (AN) que "archive definitivamente" el casu Egunkaria y "repare los daños causaos".

El vicesecretariu terceru y ministru de Política Territorial, Manuel Chaves, refirióse n'Uviéu al proyeutu de la llinia Sama-Velilla y aseguró que'l Gobiernu central apoya'l proyeutu, pero trabaya p'algamar el consensu ente comunidaes.

La portavoz d’UNA en Xixón, Yolanda González, considera que’l llaudu arbitral qu’obliga a Vulcano a pagar más de 32 millones d’euros pol incumplimientu d’un contratu “nun ye otru qu’una muestra más de la pésima xestión de los astilleros”.

El Conseyu de Gobiernu del Principáu aprobó güei'l cese "a pidimientu propiu" de la direutora de l'Axencia Asturiana d'Emigración, Ana Rivas, y el nomamientu como responsable d'esti departamentu de María Consolación Begoña Serrano Ortega.