Los xugadores de bolos Iván Fernández y Bernardo Menéndez, amás del aficionáu y ex sportinguista, “Cundi”, sumáronse a la campaña “Doi la cara” del Conceyu Abiertu pola Oficialidá.

Los retratos foron tomaes el pasáu 28 de payares en La Pola Siero, mientres la celebración del CAO poles 10.000 semeyes. Ún de los actos empobinaos pal festexu foi’l I Tornéu pola Oficialidá. Nel qu’amás de los citaos, participaron otros deportistes como’l ciclista Chechu Rubiera.

Pa la escritora llangreana Helena Trexo l’Estáu español nun ye una nación cultural, “yá que nun hai una identidá común, España ye namás una entidá alministrativa”. La escritora fixo un repás a les rellaciones ente llingua y nación na so ponencia enmarcada dientro de la Xunta d’Escritores Asturianos, dedicada esti añu a falar sobre esi tema.

El Conseyeru de Cultura y Medios de Comunicación, Joan Manuel Treserras, informó güei en rueda prensa que la Llei del Cine Catalán qu'aprobó güei'l Gobiernu d'esta comunidá esixe que los DVD incluyan la versión catalana nel menú d'idiomes. 

La Conseyería de Mediu Ambiente suspende temporalmente l'actividá cinexética na so modalidá de caza menor d'aves n'Asturies. El paru faise efeutivu güei, una vez publicada nel BOPA la resolución, y durará hasta'l próximu domingu 17 de xineru.

Según informó Mediu Ambiente, trátase d'una midida necesaria dao que les especiales circunstancies meteorolóxiques que se produxeron en feches recientes en gran parte d'Europa ocasionaron un gran desplazamientu d'aves a les zones costeres de la franxa cantábrica, y en particular a Asturies.

El Tribunal Supremu acordó l'almisión de la querella interpuesta'l pasáu ún de setiembre por Falange Española de les JONS contra'l xuez de l'Audiencia Nacional Baltasar Garzón, al qu'esti partíu acusa d'un delitu de prevaricación pola causa qu'abrió esti xuez poles desapaiciones tres la Guerra Civil.

La Xunta pola Defensa de la Llingua Asturiana pon clase d'asturianu un añu más na so sede social d'Uviéu.

El lletráu del Serviciu Xurídicu del Principáu y secretariu de Xuristes pol Asturianu, compara la Llei aragonesa cola Llei d’usu, afitando que si bien tienen semeyances, “coinciden en negar dos drechos llingüísticos básicos”, la llei aragonesa, aprobada'l día 17 d'avientu, ye mui superior a l’asturiana.

El portavoz de vivienda d’Unidá Nacionalista Asturianista, Daniel Fernández, amosó la molición de la organización énte'l datu de que “Asturies ye la segunda comunidad que menos baxa la vivienda nel 2009 según l'INE acordies colos datos del III Trimestre”.

Una asamblea que'l colectivu Fai! tenía convocada'l 8 de xineru na Casa la Cultura de Llanera nun pudo celebrase, según la organización, al cancelala espresamente l'Alcalde y la Conceyala de Cultura y Muyer. L'anulación del permisu, “que fuere concedíu con tolos pilancos por usar la llingua asturiana” llegó a 24 hores de la celebración de l'asamblea.  

El presidente depuestu d'Hondures, Manuel Zelaya, refugó la Llei d'Amnistía que pretende aprobar mañana'l Congresu y de la que podríen beneficiase los afaladores del golpe d'Estáu del 28 de xunu del añu pasáu.