La situación del asturianu en Lleón y Zamora protagoniza esti llunes 21 de setiembre la programación de l'Arribada, unes actividaes alrodiu del asturianu  al sur del Cordal que van desendolcase nel Centu de Cultura Antiguu Institutu de Xixón dende les 17:00 hores. La primer actividá va tar a cargu de Xosepe Vega, que va presentar les últimes novedaes de la editorial lleonesa Filandón.

Cada xornada que pasa fai qu'aumenten les bones sensaciones que dexa l'equipu asturianu. Anque ye bien ceo pa facer pronósticos, l'empate algamáu en Valencia teniendo amás que xugar con un futbolista menos durante más d'una hora pola espulsión de Michel fai qu'en principiu l'afición roxiblanca pueda ser optimista respective a la continuidá del so equipu na máxima categoría.

La presidenta de l'Academia de la Llingua Asturiana (ALLA), Ana Cano, desixó güei énte'l rector de la Universidá d'Uviéu, Vicente Gotor, la "dignificación y normalización" de la llingua na Universidá y protestó énte'l refugu en dalgunos departamentos de documentos por tar escritos n'asturianu, o por llevar dalgún términu nesti idioma.
 

El presidente del PP d'Asturies y voceru del Grupu Parlamentariu Popular na Xunta Xeneral del Principáu d'Asturies, Ovidio Sánchez, anunció que'l so partíu va solicitar nel Parlamentu asturianu una comisión d'investigación sobre l'aumentu de coste financieru de les obres d'ampliación del Puertu d'El Musel, en Xixón. La decisión tomóse por unanimidá na Comisión Executiva rexonal del PP, según señaló Ovidio Sánchez nuna rueda prensa ofrecida n'Uviéu xunto a los diputaos rexonales Joaquín Aréstegui y Fernando Goñi.

Esti sábadu ye la inauguración oficial de l'Arribada 2009, anque delles actividaes yá se vinieron desendolcando a lo llargo d'esta selmana. Concretamente a les 17 hores nel Puertu Deportivu de Xixón (El Muelle) va ser l'arribada de los escritores participantes nesta "vagamar lliteraria". Asimesmo va facese un homenaxe a la escritora valdesana Nené Losada Rico, finada esti añu.

Ta acabante de publicase la tercer edición de "La Hestoria d'Avilés" del escritor Miguel Solís Santos, editada por Careaga Digital. Esta obra relata la hestoria avilesina illustrada al traviés de 226 viñetes, distribuyíes en 52 páxines, dende’l Paleolíticu a la construición del Centru Niemeyer (2009). Esta tercer edición de 2009 añade cinco nueves páxines con venticinco viñetes inédites, que recueyen los aconteceres más importantes dende 1992 al presente.

El conceyal de Cultura y Festexos del Conceyu d'Uviéu, José Suárez-Arias Cachero, informó de que'l Conceyu estudiará'l caltenimientu de la nueche de música tradicional ente los conciertos de la Plaza de la Catedral, asina como prollongar l'horariu de les orquestes de la plaza del Fontán, a xulgar polos bonos resultaos d'estos eventos nes presentes fiestes de San Mateo. Sicasí, ve dificultaes económiques pa financiar los Alcuentros Tradicionales de Trebolgu, como propunxo esta asociación.

El diputáu del PP na Xunta Xeneral del Principáu d'Asturies, Juan Ángel Bustillo, esixó al Gobiernu asturianu que llibre a los asturianos de la "vergoña" y la "humillación" que supón el "monopoliu" d'Iberia, nes llinies aéres del Aeropuertu d'Asturies con Madrid. Bustillo señaló que'l so grupu parlamentariu yá presentó entrugues nesti llinia y anunció que va siguir presentando iniciatives parlamentaries pa presionar al Executivu y que busque alcuerdos con compañíes de baxu coste.

El Plenu del Ayuntamientu d'Avilés axudicó a Aquagest el concursu que s'abrió hai nueve meses pa buscar un sociu priváu que coxestione'l serviciu del agua xunto a l'Alministración llocal. Tolos partíos políticos apoyaron l'informe, ellaboráu polos técnicos municipales, que señalaba esta ufierta como la más favorable, cola salvedá de los dos conceyales d'IU, que tán a la escontra del modelu de xestión elixíu.

Esti vienres 18 de setiembre va presentase a les 21:30 hores nel auditoriu de As Quintas, n'A Caridá (conceyu d'El Franco), el llibru "El Cancioneiro d’Alonso" de Martín Pérez Álvarez y Orlando González Quintana. Nelli faen trabayu de recopilación d'una montonera de melodíes de los hermanos Juan y Francisco Alonso, dambos músicos perconocíos na primer metá del sieglu XX na fastera del Navia-Eo .