Día del Llibru Asturianu

Reedítase ampliada "La Hestoria d'Avilés" de Miguel Solís Santos

|

Ta acabante de publicase la tercer edición de "La Hestoria d'Avilés" del escritor Miguel Solís Santos, editada por Careaga Digital. Esta obra relata la hestoria avilesina illustrada al traviés de 226 viñetes, distribuyíes en 52 páxines, dende’l Paleolíticu a la construición del Centru Niemeyer (2009). Esta tercer edición de 2009 añade cinco nueves páxines con venticinco viñetes inédites, que recueyen los aconteceres más importantes dende 1992 al presente.

Estes páxines nueves cuenten la reconversión d’Ensidesa, les crisis económiques de los noventa, la “Marcha de Fierro”, l’espoxigue cultural, el plan integral de depuración de la ría, el P.E.P.A., los descubrimientos arqueolóxicos del castiellu Gauzón, los trunfos deportivos de mayor sonadía, les fiestes y nuevos certames, la meyora del entornu, etc.

La primer edición d'esta obra foi en 1985, algamando una segunda en 1992, y llegando a la tercera en setiembre de 2009.

Contador Estadistiques