La llingua al sur del Cordal protagoniza l'Arribada

|

La situación del asturianu en Lleón y Zamora protagoniza esti llunes 21 de setiembre la programación de l'Arribada, unes actividaes alrodiu del asturianu  al sur del Cordal que van desendolcase nel Centu de Cultura Antiguu Institutu de Xixón dende les 17:00 hores. La primer actividá va tar a cargu de Xosepe Vega, que va presentar les últimes novedaes de la editorial lleonesa Filandón.

A les 17:30 Nicolás Bartolomé Pérez va presentar la comunicación "Llengua y lliteratura en Llión" y a les 18:15 l'academicu y escritor Roberto González-Quevedo presenta "Voces y acentos". Yá a les 19:00 va facese un repasu a les actividaes de l’asociación Furmientu a favor de les fales y la cultura zamoranes.

A les 19:30 va proyectase'l documental "Asina falamos", que quier responder a preguntes como qué ye'l lleonés, quiénes lo falen y ónde. L'actu va contar cola presencia del guionista del documental, Emilio Gancedo. Finalmente a les 20:30 va entamase la tertulia "¿Cómo falamos en Llión?", cola participación d'Emilio Gancedo, Xosepe Vega y Nicolás Bartolomé Pérez.
 

Contador Estadistiques