Pablo Quiroga Prendes y Rubén Rey Menéndez son los ganadores 'ex aequo' del premiu del primer concursu de microrrelatos d'una llinia de llargor (80 caracteres) convocáu pola revista Furmientu y l'asociación Xareos!, en collaboración cola editorial La Cruz de Grau.
 

Una delegación española formada por representantes de dellos parlamentos autonómicos y asociaciones solidaries col Sahara Occidental participará  nos alderiques de la Comisión de Política Especial y Descolonización (IV Comisión) de l'Asamblea Xeneral de la ONU, nos que se tratará'l tema del autodetermín de l'antigua colonia espñola, según informó güei la Federación Estatal d'Instituciones Solidaries col Pueblu Saharaui (Fedissah).
 

El conceyal de Cooperación Internacional y Cultural Tradicional del Conceyu de Xixón, Jesús Montes Estrada, presentó ayeri l'axenda escolar, que nesta sesta edición entregaráse a 700 alumnos de Bachiller y Secundaria, que cursen estudios d'asturianu, una ventena menos que'l pasáu cursu. Frente a esti descensu, en Primaria son 4.090 los estudiantes d'asturianu, que suponen un 54,3 por cientu.
 

Según datos del índiz inmobiliariu fotocasa.es, Asturies ye la Comunidá Autónoma cola variación trimestral del preciu de la vivienda de segunda mano más alta d'España. Concretamente'l preciu mediu subió un 2% nel tercer trimestre del 2009. Nos trimestres anteriores rexistráronse valores negativos, d'un -2,1% nel segundu trimestre y un -4,2% nel primer trimestre.

Los Técnicos del Ministeriu de Facienda (Gestha) estimaron güei que la subida fiscal acabante d'anunciar el Gobiernu dexará sentise nel bolsiellu de los contribuyentes asturianos, que tendrán que desembolsar una media de 513 euros más al añu, según informó Gestha nuna nota prensa.

El vicealcalde de L.lena, Agripino Pérez, y la presidenta de l'Academia de la Llingua, Ana Cano, firmó'l pasau vienres un conveniu de collaboración col oxetivu de promover l'usu y la normalización del asturianu nel conceyu, amás de trabayar conxuntamente na dignificación de la llingua.
 

Los trés grupos con representación na Xunta Xeneral del Pricipáu d'Asturies (XXPA), PSOE, PP y IU-BA-Verdes, aprobaron güei por unanimidá una proposición non de llei presentada polos 'populares' polo que se pide al Gobiernu del Principáu que se dirixa al Executivu estatal pa qu'exixa a Rede Eléctrica Española (REE) que desmonte y retire les torres d'alta tensión del trazáu de la llinia Lada (Asturies) - Velilla (Palencia).

El númberu de paraos rexistraos nes oficines del Institutu Nacional d'Emplegu (Inem) aumentó nel mes de setiembre en 1956 persones, lo que supón una subida del 2,86 por cientu sobre'l mes anterior, según los datos del Ministeriu de Trabayu y Inmigración consultaos por Europa Press. Con esta cifra, el númberu total de desemplegaos nel Principoáu asítiase en 70.389 trabayadores.

El Bloque por Asturies entiende qu'una de les causes del recorte presupuestariu anunciáu pol gobiernu central p'Asturies, qu'esti añu recibirá un 9,2% menos de fondos, casi'l doble de la rebaxa media xeneral, débese en primer llugar al "pocu pesu d'esta comunidá na política del Estáu".
 
Asina lo afirmó'l voceru de la formación, Pablo Fernández, demientres una rueda de prensa ofrecida xunto col responsable de  Política Municipal de la organización, Manuel Bidayas.