El domingu 18 a les 12 hores saldrá una manifestación dende l’Alameda de Santiago de Compostela col eslogan”¡Queremos galego!”, organizada pola plataforma ciudadana del mesmu nome.

Esta plataforma ye una iniciativa formada por entidaes sociales de diversa tipoloxía y persones a títulu individual que ñaz cola voluntá de ser un espaciu común nel que  converxan les estremaes sensibilidaes y colectivos ciudadanos que defenden el gallegu.

Esti domingu 18 na Universidá de Chicago va celebrase un congresu tituláu “Asturies y los asturianos na historia: pasáu, presente y futuru”.  El propósitu d’esti congresu ye, según citen los organizadores  “rescatar del escaezu la vida y obres d’escritores, pintores, filósofos, científicos, llexisladores,… d’orixe asturianu” .

El secretariu de Mediu Ambiente y Desarrollu Rural del PSOE, l'asturianu Hugo Morán, pidió güei que nun se descarte una posible penalización del usu del coche particular como una de les midíes pa lluchar contra'l cambiu climáticu. "Había que poner en marcha midíes que primen l'usu del tresporte públicu y nun descartemos que penalicen la utilización del vehículu priváu", dixo demientres un alcuentru sobre cambiu climáticu con ciudadanos y internautes pa celebrar el 'Blog Action Day'.

El presidente del Partíu Popular d'Asturies, Ovidio Sánchez, tachó güei de "disparate" la posibilidá anunciada pol ministru de Fomentu, José Blanco, de destinar el futuru puertu ampliáu d'El Musel a refuxu pa catástrofes asemeyaes a les del Prestige. El cabezaleru de la  oposición asturiana consideró esta idea "un disparate" que tornaba'l muelle asturianu nun "vertederu de galipote" pa los barcos del norte y frenaba "les nueses posibilidaes de desarrollu".
 

La Conseyera de Cultura y Turismu del Principáu, Mercedes Álvarez González, asistió esti mediudía en Villaviciosa a la inauguración del I Festival del Llibru Infantil y Xuvenil, que se prollongará hasta'l próximu domingu.

El presidente del Gobiernu, José Luis Rodríguez Zapatero, cuenta con un patrimoniu de 209.206 euros, según la declaración de bienes de los miembros del Executivu publicada esti xueves pol Boletín Oficial del Estáu (BOE). La ministra de Ciencia y Innovación, Cristina Garmendia, ye la que declara'l mayor patrimoniu, que cifra en 4,97 millones d'euros, mientres que'l vicepresidente Manuel Chaves y la titular d'Igualdá, Bibiana Aído, figuren na banda más baxa con patrimonios declaraos de 68.964 y 38.918 euros caún.

El presidente de la Federación Asturiana d'Empresarios (FADE), Severino García Vigón, punxo en valor güei la capacidá "cualificada" del presidente de Caxastur, Manuel Menéndez, y dixo qu'una hipotética operación qu'incluyere la compra de Caja Castilla La Mancha (CCM) sería positiva. "Si se materializa, fenomenal", señaló.
 

La compañía de Teatro Marge presenta esta tarde nel teatru filarmónica d'Uviéu la so obra 'Xulia', adautación en llingua asturiana del drama 'La señorita julia' (versión en castellán) y 'Fröken Julie' (versión orixinal) del escritor y dramaturgu suecu August Strindberg.
 

Asturies ye la comunidá autónoma na que más baxó'l preciu de la vivienda nel tercer trimestre del añu, con un descensu d'un 11,6 por cientu na tasa interañal, ye dicir, sobre'l tercer trimestre del 2008, según datos del Ministeriu de Vivienda consultaos por Europa Press.
 

Cerca d'una ventena de grupos  pondrán la banda sonora a les nueches del 47 Festival Internacional de Cine de Xixón en dellos escenarios de la ciudá, ente'l 19 y el 28 de payares, según informó la organización del Festival de Cine nuna nota prensa.
 
La sala Acapulco del Casinu d'Asturies acoyerá'l rock fronterizu de Tito y Tarántula, esenciales nes bandes sonores de 'Desperado', 'El Mexicano' y 'Abierto hasta el Amanecer', plataforma de llanzamientu del grupu.