El ministru de Fomentu, José blanco, afirmó güei que les obres d'ampliación del puertu xixonés d'El Musel tarán acabaes pal añu próximu, al tiempu que recalcó que'l Gobiernu d'España "nun mira pa otru llau", porque tien interés n'alcontrar soluciones al "problema económicu" provocáu pol incrementu de costes -de 251 milones d'euros según el PP- de les obres.
L'Índiz de Precios de Consumu (IPC) baxó cuatro décimes nel Principáu d'Asturies (-0,4%) y dos décimes nel conxuntu del país (-0,2%), en rellación al mes anterior, hasta asitiase na tasa interañal del -1,3% n'Asturies y un -1% a nivel nacional.
El colectivu Ecoloxista d'Avilés solicitó ante la Viceconseyería de Mediu Ambiente del Principáu que se proceda a la suspensión preventiva de l'actividá en cantera Solís, en Sama Riba (Corvera). Los motivos de los ecoloxistes son los "abondos incumplimientos repetíos" de la esplostación.
El Grupu Trabanco prevé superar el millón de kilos de mazana asturiano de sidra na collecha d'esti añu. El llagar, con sede de Llavandera (Xixón), prevé collechar nes sos propies plantaciones sobre 600.000 kilos de mazana de sidra de delles variades.
Según indicó la compañía en nota prensa, esto supón un incrementu del 50 por cientu frente a la collecha del 2008, añu en que Trabanco recoyó 400.000 kilos de mazana nes sos propies plantaciones.
El conceyu de Villaviciosa acoyerá'l Primer Festival del llibru Infantil y Xuvenil d'Asturies. Asina lo facíen público esti martes 13 d'ochobre a les 12.00 hores nun actu celebráu na sede de la Conseyería de Cultura y Turismu, organizadora de los actos conxuntamente cola mancomunidá de la Comarca la Sidra y l'Ayuntamientu de Villaviciosa. Les actividaes, que tendrán llugar del 15 al 18 d'ochobre, concentraránse nel patiu de les Escueles Graduaes de La Villa (Plaza Obdulio Fernández Pando).
El presidente estaounidense, Barack Obama, ye'l galardonáu esti vienres col Nobel de la Paz 2009 por "la so visión y el so trabayu por un mundu sin armes nucleares", y polos sos "estraordinarios esfuerzos pa reforzar la dipomacia internacioanl y la cooperaicón ente los pueblos", según el Comité Nobel Noruego.
El Grupu Popular nel Congresu de los Diputaos pidirá esplicaciones al Gobiernu sobre les circunstancies que provocaron el "brutal escesu de coste" de les obres d'ampliación del puertu d'El Musel, en Xixón, y el so "correspondiente retrasu, asina como los mecanismos que se previeron pa solucionar esta situación".
José Ángel Fernández Villa recibirá la condecoración el próximu martes de la Medalla d'Oru al Méritu nel Trabayu, de manes del ministru de Trabayu, Celestino Corbacho, pola so defensa de los derechos de los trabayadores, que-y ocasionó'l despidu en nueve empreses.
La Xunta pola Defensa de la Llingua Asturiana encamentó güei, al traviés d'un comunicáu a "a tolos estudiantes, families, trabayadores de la enseñanza y a cualquier persona que pueda tener información sobre agresiones a los derechos na enseñanza del asturianu, a que se pongan en contactu cola Xunta pola Defensa de la Llingua pa denunciar y actuar contra estos fechos".
La Guardia Civil de tráficu realizará nes carrteres asturianes controles nos tresportes col oxetivu d'interceptar salmones garraos nos ríes asturianos de manera furtiva. "Ye mui importantes controla esti aspectu, porque los salmones asturianos que se comercialicen illealmente salen per carretera", esplicó'l delegáu del Gobiernu n'Asturies, Antonio Trevín.
