La cifra de paraos n'Asturies sube un 2,86% en setiembre, con 1.956 desemplegaos más

El númberu de paraos rexistraos nes oficines del Institutu Nacional d'Emplegu (Inem) aumentó nel mes de setiembre en 1956 persones, lo que supón una subida del 2,86 por cientu sobre'l mes anterior, según los datos del Ministeriu de Trabayu y Inmigración consultaos por Europa Press. Con esta cifra, el númberu total de desemplegaos nel Principoáu asítiase en 70.389 trabayadores.
   Si se comparen estes cifres coles rexistraes hai un añu, pue determinase que'l númeru de paraos creció na rexón un 40,19 por cientu, ye dicir, en 20.435 persones.
   A  nivel nacional, el paru creció en 80.367 persones en setiembre (+2,2%), y, tal y como s'esperaba, encadenó'l so segundu ascensu siguíu tres el d'agostu, mes nel que'l desemplegu aumentó en más de 84.000 persones. D'esta manera, en sólo dos meses más de 160.000 persones apuntáronse nes llistes del Inem. Tres la subida de setiembre, el total de desemplebaos asitióse en 3.709.447 persones.
   La subida del desemplegu en setiembre, mes nel que suel aumentar el paru con dalguna esceición ye, sicasí, inferior a la rexistrada n'igual mes del 2008, cuando'l desemplegu subió en 95.367 persones, marcando'l peor datu de la serie nesti mes. L'aumentu de setiembre d'esti añu supón asina'l segundu peor rexistru nesti mes dende 1996, que ye cuando entama la serie comparable del desemplegu.
   En setiembre, el paru subió en 14 comunidaes, encabezaes por Andalucía y Cataluña, con 20.393 y 12.223 desempleos más, caún, y sólo baxó en trés rexones: Castiella La Mancha (-2.344 desemplegaos), La Rioxa (-248 paraos) y Navarra (-38 desemplegaos).
POR TRAMOS
   Nel mes de setiembre, el paru masculín nel Principáu d'Asturies (32.820 persones) foi menor que'l femenín (37.569). Del total de paraos, 8.096 fueron menores de 25 años (4.633 d'ellos fueron homes y 3.463 muyeres) y un total de 62.293 teníen otres edaes. Nesti apartáu rexistráronse 28.178 paraos masculinos y 34.106 desemplegaes.
   El sector que más acusó la subida del paru n'Asturies nel mes anterior foi'l sector servicios, nel que'l númberu desemplegaos creció en 1.554 persones hasta algamar los 44.891 paraos. Siguiéronlu'l colectivu de sin emplegu anterior (246 paraos más), construcción (+12) y agricultura (+36). Pel contrario, descendió'l númberu de desemplegaos n'industria n'ocho asturianos.
   El númberu d'estraxeros que quedaron nel paru nel Principáu nel mes de setiembre tamién aumentó hasta algamar les 4.527 persones. D'elles, 2.319 pertenecíen al sector servicios, 1.200 a la construcción, 280 a la industria, 110 a l'agricultura y 618 nun teníen emplegu anteriormente.
   En cuanto a la contratación, nel Principáu firmáronse'l pasáu mes de setiembre un total de 24.294 contratos, de los que 2.198 fueron indefiníos y 22.096 temporales.