Yá son cuasi 2.000 persones les que se sumaron nun día al eventu de tuenti fechu pa esixir que, al igual que se pue facer dende esta selmana col gallegu, el catalán y el vascu, la rede social permita l’usu del asturianu.

Cola sida del 6 d’avientu, día de la Constitución española, la organización de mocedá independentista Darréu quier refugar públicamente'l marcu llegal “herederu direutu del franquismu y que foi concebíu pa caltener nel  poder a los mesmos qu’enantes movieron los filos en vida del dictador”, del mesmu mou “que mos oprime y conderga a la destrucción coleutiva como pueblu y como clas trabayadora”.

L’Ensame Cultural Sonastur y Fnas.net faen un llamáu a tolos grupos musicales d’Asturies pa que-yos unvien el so trabayu pa incluyilo nel proyeutu “Anuariu Sonoru de la Música Asturiana 2009 (ASMA’09)”, onde se quier recoyer los conteníos musicales y audiovisuales de caúna de les bandes asturianes.

El Nuevu Teatru La Felguera acueye güei sábadu 5, a les 20:15 hores la obra "L’Encierru". La obra "L’Encierru" tien llugar nos primeros años de la transición, cuando un grupu sindicalistes pertenecientes al comité nacional d’una organización sindical, decide encerrase nun pozu mineru pa denunciar una serie problemas esistentes nel sector.  
 

La conseyera de Cultura del Gobiernu asturianu, Mercedes Álvarez, anunció güei un recorte de casi'l 20% del presupuestu de la so cartera, con una inversión de 117,8 millones reservaos pal próximu exerciciu, y qu'inclúi una reducción del 11,3% en materia de Política Llingüística.

El Movimientu de Resistenica Islámica (Hamas) prevé "complicaciones" nes negociaciones col Gobiernu israelí si ésti refuga la propuesta d'intercambiu de presos plantegada pola milicia, según fontes de Hamas citaes pol diariu 'Al Quds al Arabi', con sede en Londres.

David Fernández, n'asturianu y Fernando de Luxán, en castellán, son los ganadores de la tercer edición del concursu lliterariu de la Fundación Cultural Asturias, según informaron güei los organizadores al traviés d'una nota de prensa.

Dende ayeri xueves, la rede social Tuenti, una de les más usaes pola mocedá, incorpora’l gallegu, el vascu y el catalán como idiomes d’usu. Amás d’usar estos idiomes pa les ferramientes web, el serviciu d’asistencia tamién va atender en cualesquier llingua del Estáu, pero si ésta tien la consideración llegal de la oficialidá, yá que Tuenti nun contempla l’usu del asturianu.  

La organización de mocedá independentista Darréu, convoca pa esti domingu 6 d’avientu a les 13 hores una concentración delante de la Xunta Xeneral del Principáu como actu de refuta a la Constitución española. Coincidiendo col so 31  aniversariu, la organización afita que la norma “sitúanos a los asturianos como subditos d’un Reinu y mos impón un Principáu que nadie decició democráticamente”.
 

La Coordinadora Ecoloxista d’Asturies vien d’anunciar al traviés d’un comunicáu que’l Principáu refugó’l recursu de reposición que presentaron fai 16 meses contra  l’Autorización Ambiental Integrada de la empresa Industrias Doy-Manuel Morate, S.L, asitiada en Trubia. Pa los ecoloxistes, a pesar de los incumplimientos de la empresa, el Principáu va permití-y siguir furrulando otros tres años, “ensin importá-y l’impactu que ta xenerando en Trubia”.