El presidente d'Estaos Uníos, Barack Obama, afirmó güei n'Oslo, demientres la ceremonia d'entrega de la medalla d'oru acreditativa del Premiu Nobel de la Paz, que "n'ocaciones" l'usu de la fuerza ta "xustificáu".

La Coordinadora Ecoloxista d’Asturies denunció énte’l Seprona, la Conseyería de Cultura y el Conceyu d’Ayande les obres d’accesu a les obres del parque eólicu de Carondio, que según los ecoloxistes tan provocando importantes daños al patrimoniu históricu de la Sierra de Carondio. Poro, soliciten-y al Principáu la paralización de les obres del parque eólicu.

L'activista saharaui Aminetu Haidar pidió "al mundu y especialmente a les madres" qu'apoyen la so reivindicación de volver al Sahara Occidental y esplicó que desea "abrazar" a los sos fíos y "vivir con ellos" y cola so madre, "pero con dignidá".

"Deseo abrazar a los mios fíos, deseo vivir con ellos y cola mio madre, pero con dignidá", aseguró Haidar nuna carta abierta escrita en primer persona a la sociedá española con motivu del Día Internacional de los derechos Humanos, que se celebra güei, y que se distribuyó pola Plataforma de solidaridá con Aminetu Haidar.

El colectivu Seareir@s Galegos, grupu de sofitu a les selecciones gallegues, organiza’l sábadu 26 d’avientu, nel compostelán campu de fútbol de Santa Isabel, un alcuentru ente la Selección gallega de fútbol y un combináu de xugadores estranxeros que xueguen en Galicia.

El presidente de la Generalitat, José Montilla, dixo esti xueves que tien poco que "oxetar" sobre les consultes sobre la independencia que se celebrarán el próximu domingu en 161 poblaciones catalanes, si se realicen nel marcu del respetu a les lleis, anque recordó que tán organizaes por entidaes privaes y qu'en nengún casu se trata d'un referendu.

Una versión básica y tovía con delles deficiencies del primer traductor de testos castellán-asturianu tará disponible en xineru al traviés d'un servidor, y abierta a tol que quiera usala pa participar nel so perfeccionamientu.

 Asina lo anució en declaraciones a Europa Press Xulio Viejo, profesor miembru del Seminariu de Filoloxía Asturiana de la Universidá d'Uviéu y responsable del grupu de trabayu que s'encargó d'ellaborar esti programa demientres los últimos años.

El problema de la financiación ye una de los principales torgues pa llograr un acuerdu en Copenhague que sostituya al protocolu de Kioto. Nin siquier la UE, que presume d'asumir un papel de lideralgu ens negociaciones, llogró hasta agora decidir cuála será la so contribución poles reticencies de países como Alemaña, que nun quieren poner tan pronto una cifra sobre la mesa o de los socios de l'amplación, que reclamen previamente un repartu internu de la factura.

Según informa güei’l diariu valencianu “Levante”, el nuevu Arzobispu de Valencia, Carlos Osoro, amosó la so posición favoratible a dar misa en valencianu. Lo que supondría que dende la ilesia de la comunidá se diera puxu al llibru llitúrxicu oficial en valencianu pa la so aprobación pola Santa Sede. Un xestu que reclamen la parte progresista de la Ilesia y l’Acadèmia Valenciana de la Llengua.

Asturies tien qu’abandonar la primer fase del Campeonatu d’España de Selecciones de Rexones UEFA, tres que los de Roberto Robles perdieran énte Canaries. Los asturianos xugaron l’últimu partíu ensin opciones, yá que na anterior xornada, Aragón, que yá ganara a Asturies, y Canaries empataron a ceros.

El Gobiernu nun parará "nin un milímetru" nel so empeñu d'algamar que los eurodiputaos españoles puean falar en dalguna de les llingües cooficiales nel Parlamentu Européu, según garantizó güei'l secretariu d'Estáu pa la UE, Diego López Garrido.

Na so declración ante la Comisión Mista Congresu Senáu pa la UE, recordó sicasí qu'esa decisión nun compete al Executivu español, sinón a la Mesa de la Eurocámara, que na llexislatura pasada refugó esa posibilidá por un solu votu de diferencia y onde resultó decisiva la oposición del popular Alejo Vidal Quadras.