Darreú convoca una concentración contra la Constitución española

La organización de mocedá independentista Darréu, convoca pa esti domingu 6 d’avientu a les 13 hores una concentración delante de la Xunta Xeneral del Principáu como actu de refuta a la Constitución española. Coincidiendo col so 31  aniversariu, la organización afita que la norma “sitúanos a los asturianos como subditos d’un Reinu y mos impón un Principáu que nadie decició democráticamente”.
 
Darréu quier facer un llamáu especial a la mocedá p’asina amosar la so refuta a un testu “impuestu n’Asturies por España” y asina frañar col constitucionalismu, “fíu del franquismu más puru, que nun apara de vender Asturies dende hai 31 años”. Pa la organización, el constitucionalismu ye una simple reforma del franquismu. Poro, quieren amosar col actu la so refuga a la Constitución española.