El Ministru d'Industria, Turismu y Comerciu, Miguel Sebastián, aseguró güei n'Uviéu que la llinia d'alta tensión ente les poblaciones de Lada (Asturies) y Velilla (Palencia) será una de les "prioridaes" de la presidencia española de la Unión Europea y cuenta col apoyu del Ministeriu d'Industria.

Nuna rueda prensa celebrada güei n'Uviéu tres una visita a la factoría d'ArcelorMittal, Sebastián aseguró que la llinia d'alta tensión ye "bona" p'Asturies, pero tamién pa Lleón porque "garantíza-y la calidá del suministru eléctricu".

Slow Food Asturies presentará'l próximu fin de selmana na feria 'Al gusto' de Bilbao los cuatro productos que componen el 'Arca del Gustu Asturianu': escanda, oveya xalda, sidra natural y faba fresca. Trátase d'un catálogu de productos en peligru d'estinción enmarcaos na filolsofía Slow Food, una forma de vida qu'apuesta por "combatir la globalización mal entendida, activar la economía rural y consumir productos sanos, llimpios y xustos".

La Coordinadora Ecoloxista d’Asturies vien de denunciar énte la Disciplina Urbanística de la Conseyería de Mediu Ambiente del Principáu, la “dexación de funciones” del Conceyu de Xixón que nun para les obres del Musel, entamaes ensin llicencia.

Esti domingu 700.000 catalanes de 170 conceyos tán llamaos a espresar nes urnes si tán d’alcuerdu cola independencia o non. Del total, 125.000 persones son inmigrantes ensin nacionalidá española, que verán reconocíos per primer vez el so drechu al votu.

L’Aconceyamientu de Xuristes pol Asturianu tien fechu un rexistru de los casos de discriminación llingüística socedíos nel país dende 1979. Un trabayu que se quier actualizar a partir d’agora día tres día pa ser el “vergoñosu y permanente testimoniu de l’agresión llingüística escontra’l pueblu asturianu”. El rexistru quier ser el previu pasu pal entamu d’una asociación, l’Observatoriu de la Discriminación Llingüística n’Asturies.

La Coordinadora Ecoloxista d’Asturies vien d’amosar la so gayola depués de que los sindicatos UXT y CCOO de Lleón amosaren la so oposición frontal a la llinia d’alta tensión ente Lada en Llangréu y Velilla en Palencia, ya que n’Asturies los mesmos sindicatos sofiten la llinia.

El 56% de los llectores d’Asturies.com camienta que Lleón podría facer la so academia de la llingua, nel casu de qu’esta trabayara en comuña con Asturies ensin frañar la unidá del idioma. La segunda opción más votada nel Conceyu Abiertu d’Asturies.com, col 30% de los votos, ye que nun fai falta crear una nueva academia yá que la normativa asturiana ye valida pa tol dominiu.

La obra “Nel día de la victoria” del autor mierense José Juan González ye la ganadora del VII Concursu de Cómic n’asturianu Comarca de la Sidra. Nella, nárrase una escura historia ambientada nun Nueva York en ruines. L’autor, que lleva un premiu de 500 euros, ye un dibuxante autodidacta con un estilu mui personal que yá foi reconocíu con dellos premios.

El campu de Les Caleyes de Villaviciosa acoyó l’alcuentru ente Asturies y Aragón, onde estos últimos ganaron el partíu de la primer fase del Campeonatu d’España de Selecciones de Rexones UEFA. Un gol del aragonés Charly na segunda parte, dio-y a los aragoneses la victoria.