Hamas prevé "complicaciones" si Israel refuga l'actual propuesta d'intercambiu de presos

El Movimientu de Resistenica Islámica (Hamas) prevé "complicaciones" nes negociaciones col Gobiernu israelí si ésti refuga la propuesta d'intercambiu de presos plantegada pola milicia, según fontes de Hamas citaes pol diariu 'Al Quds al Arabi', con sede en Londres.

La mediación alemana pa la entrega del soldáu isralí Gilad Shalit, deteníu pola milicia, comunicaría yá la negativa hebrea, lo qu'echaría per tierra tamién la posibilidá de lliberar a decenes de presos palestinos, reclamada por Hamas, informó'l periódicu 'Yedioth Ahronoth'. La fonte augurió qu'esta negativa "probablemente complicará abondos asuntos sobre les negociaciones".

Nesti sen, el viceprimer ministru del Gobiernu de Hamas, Ziad al Thatha, reconoció que'l diálogu taba pasando per "dificultaes", pero mostróse confiáu en superales. Nesti sen, según informaciones del diariu 'Haaretz', aludió al "bon progresu" de les negociaciones y espresó que, si too sal según los previsto, cientos de presos palestinos aconceyarán pronto coles sos families.
  
Pela so parte, el representante de Hamas en Líbano, Osama Hamdan, negó la información apaecida esti xueves nun diariu kuwaití, en rellación al posible treslláu a Exipto de Shalit por un acuerdu inminente.