Los servicios de normalización llingüística de Siero y L.lena, aprovechando la fecha del ún d’avientu, día mundial contra’l SIDA, espublizaron unos folletos col eslogan “¿Enguedeyestite, nin? ¿Enguedeyestite, ne?”, que contienen información sobre sexualidá y un preservativu.

Les conceyales del PP del Conceyu d'Avilés, Carmen Rodríguez Maniega y Carmen Venga, reclamaron güei al edil de Cultura, Román Antonio Álvarez, la presentación de les factures del Festival de Beltaine, qu'organizó l'asociación Xuntanza. Les 'populares' denunciaron en rueda prensa que-yos esmolez que "tengan dificultaes pa xustificalo, que ye'l rumor que cuerre estos díes per Avilés".

El Gobiernu central ofreció a la pacifista saharaui Aminatou Haidar, en fuelga de fame nel aeropuertu de la isla de Lanzarote, continuar la so llucha pol autodetermín del Sahara dende España.

"El Gobiernu ta ofreciéndo-y continuar la so llucha dende España, pa que nun acabe en Lanzarote. Piensa que debe vivir pa lluchar, non lluchar pa morrer". Asina lo aseguró l'uviáu especial del Ministeriu d'Asuntos Esteriores a Lanzarote, Agustín Santos.

La Xunta pola Defensa de la Llingua Asturiana vien d'unviar cartes al direutor de la RTPA, José Ramón Perez ornia, y la direutora xeneral de Política Llingüística, Consuelo Vega, onde se-yos pide que dean instrucciones concretes y faciliten los decretos d'oficialización toponímica pa que la radio televisión pública cumpla cola llegalidá vixente.

La Coordinadora Ecoloxista d'Asturies vien de denunciar que'l Principáu notificó-y que nun va atender el recursu que presentaron en xunetu de 2008 contra l'autorización ambiental de la Planta de Tratamientu de mineral, asitiada nel Complexu del Valle Boinás (Miranda).

En quince díes 160 conceyos de Cataluña van preguntar a los sos ciudadanos pola independencia. Por mor d’ello, güei domingu, el Forum de Barcelona acoyó’l gran actu central de la Coordinadora de la Consulta pola Independencia, que cuntó con unos 3.500 asistentes y que daba entamu a la campaña.

El Sporting ganó ayeri al Villareal gracies a un gol del croata Mate Bilic, colo que l’equipu xixonés sumó la so sesta victoria y el tercer partíu ensin encaxar un gol. Un alcuentru celebráu nel municipal xixonés onde los locales foron superiores algamando los venti puntos y asitiándose na séptima posición.

Pal 47% de los nuestros llectores la televisión gallega nun tien qu’emitir en territoriu asturianu yá que ven la iniciativa como un intentu de galleguizar el Navia-Eo. Asina s’espeya na encuesta qu’Asturies.com tuvo abierta nel “Conceyu Abiertu” demientres esta selmana. La segunda opción más votada, col 31% de los votos, ye que la TVG podría vese n’Asturies si la televisión asturiana tamién emitiera pal otru llau del Eo.

Suburbia Ediciones ta sacantes d’espublizar “Les siete novies del rei”, la última novela del recién ganador del Premiu Máximo Fuentes Acebedo Xulio Arbesú. El llibru recueye una obra de teatru onde se cuenta la historia del Rei Aurelio, que va casase pero pidió-y matrimoniu a siete moces, entós éstes tendrán que pasar diverses pruebes pa saber quién ye la elixida.