El grupu Duerna, procedente de la Cuenca del Nalón, ta acabante de sacar la so primer maqueta titulada “Dende’l chigre”. La maqueta grabóse a lo llargo la seronda nos estudios Luna Music de Llugo de Llanera. Ta compuesta de cuatro temes, instrumentales y cantaos, nos que se puen sentir tanto composiciones propies como igües de pieces tradicionales.

Sant Jaume de Frontanya ta na provincia de Barcelona y ye’l conceyu más pequeñu de toa Cataluña. Amás, convocó’l referéndum sobre l’autodeterminación pa güei sábadu, un día enantes que los otros 167 conceyos catalanes. A la una del mediudía, el 66% de la población yá fora votar.

Sicasí, nun hubo coles na biblioteca del pueblu, énte la prohibición d’usar dependencies municipales pa la consulta. El conceyu tien ventiún persones censaes con drechu a votu y sumando les tres que votaron per corréu, son catorce los ciudadanos que yá exercieron el so drechu, El 66% de los votantes.

La Real Academia Galega y la Confederación Española de Lesbianes, Gais, Bisexuales y Transexuales “Colegas”, algamaron un alcuerdu pa camudar cinco definiciones na futura reedición del diccionariu de la institución, cola sida de facelu respetuosu col colectivu gai. Del mesmu mou, Colegas va-y pidir a la Real Academia Española de la Lengua que siga’l mesmu camín que la institución gallega.

Los 27 estaos miembros de la Unión Europea refugaron reconocer Xerusalén Este como futura capital del Estáu palestín. Foron díes de presiones israelines, na que’l mesmu primer ministru, Binyamin Netanyalu, llamó a los líderes europeos, ente ellos José Luis Rodríguez Zapatero, pa que nun aprobaran la iniciativa sueca sobre Xerusalén Este.

Un grupu d’internautes ta entamando per Internet una protesta republicana contra la figura del rei Xuan Carlos I. La iniciativa consiste nuna caciada mientres el tradicional discursu del Xefe del Estáu que toles televisiones tresmiten a les nueve de la nueche’l 24 d’avientu.

La propuesta anónima afala a salir a la terraza, balcón o ventana y facer el mayor ruíu posible no que dure’l discursu del monarca, p’asina pidir la llegada de la III República.

El presidente d'Asturies, Vicente Álvarez Areces, reconoció güei qu'hai problemes de "incomprensión" en Lleón, ante la llinia d'evacuación enerxética Lada-Velilla, anque señaló que'l proyectu siguirá alantre tal y como se pactó col Gobiernu de Castiella y Lleón, col Ministeriu d'Industria y con Rede Elétrica.

Areces realizó estes manifestaciones a los periodistes, demientres l'actu d'inauguración de carretera SE-1, Santaya-llende con Galicia.

La presidenta del Partíu Popular (PP) n'Aragón, Luisa Fernanda Rudi, avanzó güei que recoyeron más de 35.000 firmes dende qu'hai unes selmanes entamaron la campaña 'Non a la imposición del catalán'. En Zaragoza capital algamaron 15.000, igual cifra que na provincia, mientres qu'en Teruel algamaron les 4.000 y n'Uesca dalgo menos.

El colectivu Xente Gai Astur (Xega) ta acabantes d’espublizar un mapa n’asturianu de Drechos Humanos LGTB nel mundu. Nél, vien espeyáu, al traviés de colores, la situación de la homosexualidá nel planeta, dende los qu’incorporaron a la so llexislación el matrimoniu ente persones del mesmu sexu, hasta los que castiguen cola muerte les rellaciones homosexuales.

L'Asociación Cultural Garabuxada presenta esti domingu a les 18.30 hores, frente a la Rula de L'Arena 'El Cuento de El Angulero'. Trátase de la primer obra basada nun personaxe asturianu que s'encarga de repartir los regalos en Nuechebona, ideáu polos propios editores.

El llibru illustrólu'l dibuxante y periodista Christian Bartsch y cuenta con testos de los responsables de la Biblioteca de la población de L'Arena, nel conceyu de Sotu'l Barcu.

La vicepresidenta primera del Gobiernu, María Teresa Fernández de la Vega, quio dexar claro esti vienres que les consultes independentistes que se celebrarán el próximu fin de selmana en Cataluña carecen de validez y "nun tienen consecuencia xurídica dalguna". Amás, refugó que la sentencia que tien qu'emitir el TC sobre l'Estatutu tea alentando l'independentismu.

De la Vega precisó, en rellación coles 150 consultes que se desarrollarán el domingu en delles llocalidaes de Cataluña que "la Constitución y les lleis fixen con claridá les normes que regulan les consultes populares".