El temporal de fríu y nieve obligaron l'accesu a la carretera CO-4 Cuadonga-Los Llagos y 15 puertos de montaña d'Asturies requieren cadenes pa circular. Nel de Payares les cadenes son obligatories pa los turismos y ta zarráu'l tráficu pa los camiones, según informó'l 112-Asturies a Europa Press. La nieve entamó cayer tamién na ciudá d'Uviéu.

El gobiernu francés nun va protexer al traviés d’una llei les llingües minoritaries falaes nel Estáu yá que “entra en conflictu colos entamos d’indivisibilidá de la República”. Asina s’espresó’l ministru d’Identidá Nacional, Eric Besson, énte una entruga de la socialista Martine Faure, valtando asina coles promeses de Nicolás Sarkozy y de l’anterior ministra de cultura sobre la regulación de les llingües minoritaries.

 El 'sí' a la independencia arrasó esti domingu, col 94,71 por cientu de los votos a favor y el 3,53 a la escontra, nos 166 conceyos catalanes nos que se convocaron consultes, anque la participación nun algamó'l 30 por cientu de los ciudadanos llamaos a les urnes, según datos de la coordinadora.

Col 92,17% de los votos escrutaos --polo que la entidá sorrayó la provisionalidá de los datos-- hubo tamién un 1,76% de votos en blancu y un 0,34% de nulos.

La organización internacional de conservación marina Oceana considera necesario protexer 45.000 quilómetros cuadraos marinos nel área Galiaco-Cantábrica y promover la creación de, polo menos, 15 nuevos espacios protexíos, pues nesti momentu sólo se protexen 2.500 kilómetros cuadraos (seis árees marines: tres en Galicia, una n'Asturies, y dos n'Euskadi), según revela un informe d'Oceana, confinanciáu por Fundación Biodiversidá.

El palaciu municipal de Villa Madalena n’Uviéu va acoyer la Xunta d’Escritores Asturianos 2010 que tendrá llugar los díes 11, 12 y 13 de xineru. Nesta edición, les xornaes xirarán sobre "Lliteratura asturiana, identidá y nación" y cómo estos aspectos afecten al fechu d'escribir nuna llingua minorizada y non oficial como l'asturiana, asina como les rellaciones esistentes ente identidá y lliteratura, ente otros temes.

Segunda derrota consecutiva del Sporting y primera nel Molinón no que va de temporada. Un gol del sevillista Frederic Knoute nel minutu nueve valió a los hispalenses pa la victoria nel municipal xixonés. A pesar de la derrota, el Sporting lluchó hasta cuasi quedar ensin fuelgos, sobre too na segunda parte del alcuentru.

El grupu Low Cost Asturias vien d’anunciar que más d'ocho mil persones sumáronse yá al grupu de protesta en Facebook pola crisis del aeropuertu d’Asturies. Según el grupu “los precios abusivos y la falta de vuelos son la principal quexa d’una crisis aeroportuaria que ta sufriendo Asturies dende que se creó la compañía Air Asturias”.

L’Asociación de Vecinos de Xibares “El Tranqueru” presentó denuncia énte la Conseyería de Mediu Ambiente pol incumplimientu del plan de recuperación ambiental de la cantera de Sato y de la Cementera de Tudela Veguín, les dos n’Aboño. En nome de l'AAVV Javier Rubio Melgar, solicita a la Conseyería que tome les midíes oportunes.

Un temporal de fríu siberianu llegará esti domingu a España y prollongaráse hasta'l martes, dexando precipitaciones en forma de nieve de magar los 200 metros nes rexones del cantábricu y de los 600 metros en zones del sureste peninsular y Levante, amás d'un descensu xeneralizáu de les temperatures, según esplicó a Europa Press el voceru de l'Axencia Estatal de Meteoroloxía (Aemete), Ángel Rivera.