Miguel Sebastián diz que la llinia d'alta tensión 'Lada-Velilla' será una de les prioridaes de la presidencia europea

|

El Ministru d'Industria, Turismu y Comerciu, Miguel Sebastián, aseguró güei n'Uviéu que la llinia d'alta tensión ente les poblaciones de Lada (Asturies) y Velilla (Palencia) será una de les "prioridaes" de la presidencia española de la Unión Europea y cuenta col apoyu del Ministeriu d'Industria.

Nuna rueda prensa celebrada güei n'Uviéu tres una visita a la factoría d'ArcelorMittal, Sebastián aseguró que la llinia d'alta tensión ye "bona" p'Asturies, pero tamién pa Lleón porque "garantíza-y la calidá del suministru eléctricu".

Esplicó que la llinia alcuéntrase pendiente d'una declaración d'impactu ambiental, pero'l proyectu forma parte de la planificación enerxética del Gobiernu d'España, porque supón "un apoyu a les interconexones".
 
NUCLEARES
  
Per otra parte, el titular del Departamentu d'Industria aseguró qu'España ta "abierta" a la instalación de nueves centrales nucleares porque la llei "nun lo prohíbe".
  
Pel momentu, aseguró que nin existen proyectos al respeuto nin dende'l Ministeriu va animase a les léctriques pa que los presenten. "La nuesa mayor fonte enerxética tenémosla nel aforru y na eficiencia", sentenció.
 

Contador Estadistiques