Aragón vence a Asturies na Copa de les Rexones

El campu de Les Caleyes de Villaviciosa acoyó l’alcuentru ente Asturies y Aragón, onde estos últimos ganaron el partíu de la primer fase del Campeonatu d’España de Selecciones de Rexones UEFA. Un gol del aragonés Charly na segunda parte, dio-y a los aragoneses la victoria.

La primera parte tuvo iguala ente les sos selecciones. Pero a los ocho minutos de la segunda parte, un gol de Charly fixo que los aragoneses sintiérense cómodos nel campu. L’alcuentru tuvo dirixíu pol colexáu Juan Carlos Toyos Acosta, de la delegación de Siero.
 
Asturies volverá xugar mañana martes ocho d’avientu contra Canaries, nun partíu que se xugara a les 12 nel campu de Mareo y arbitrará’l xixonés Hugo Montero Arango. Roberto Robles y Luis Arturo Ruiz-Capillas son los responsables del combináu asturianu.