Asturies n'alerta mariella pol temporal

Parte d'Asturies ta n'alerta mariella por nieve y foles, según datos de l'Axencia Estatal de Meteoroloxía (Aemet). En concreto, el cordal y Picos d'Europa, suroccidente d'Asturies, centru y valles mineros. En cuanto al llitoral, será'l del oriente asturianu'l que ta n'alerta por foles.

A nivel estatal, un total de 74 provincies tán n'alerta por vientu, lluvia, foles y nieves, nuna xornada na que s'esperen precipitaciones llocalmente fuertes en Balares y raches de vientu mui fuerte en zones de la metá oriental peninsular y  nel archipiélagu balear.
  
En concreto, les  provincies de Granada, Almería, Albacete y les comunidaes de Murcia y la Comunidá Valenciana siguirán n'alerta naranxa (riesgu importante) pol vientu; igual que Cádiz, Córdoba, Granada, Güelva, Xaén, Sevilla, Málaga, Girona, Tarragona, Ibiza, Menorca, Mallorca y les comunidaes d'Aragón, Castiella La Mancha, Ceuta, Madrid, Navarra, Estremadura, La Rioxa y Melilla, que tarán en nivel mariellu (riesgu).
  
Tamién s'espera alerta mariella por riesgu de nevaes en Castiella y Lleón, Aragón, Cantabria, Navarra, La Rioxa y País Vascu. Idéntica situación prevése n'Almería, Cádiz, Granada, Güelva, Málaga, Cantabria, Girona, Tarragona, A Coruña, Pontevedra, Ibiza, Mallorca, Menorca, Melilla, Guipúzcoa y Vizcaya.