Ubuntu n’asturianu pal meyor blogue del 2009

|

Los responsables de la votación  "meyor blogue n’asturianu 2009" anuncien que los tres primeros blogues de la llista y el ganador del meyor diseñu recibirán un CD orixinal de la cabera versión d’Ubuntu 9.10 n’asturianu.

Esta versión d’Ubuntu 9.10 vien con tol sistema operativu n’asturianu, tamién l’instalador. Los CDs tán cedíos por Softastur y el LoCo Team Asturianu
 
No que cinca a les votaciones, yá exercieron el so drechu unos 40 blogues. Según los responsables “los votos tán repartíos enforma, pero yá hai cinco o seis blogues que se tán afitando na tiesta”.
 
Del mesmu mou, señalen qu’al rodiu del día 20 de xineru van dar nuncia d’un proyeutu “pol que llevamos delles selmanes trabayando y paez que va llegar a bon puertu”. Esclariando que ye una iniciativa lligada a la votación “y a la nuesa bloguesfera en xeneral”.

Contador Estadistiques