Guipúzcoa encamienta a l'Audiencia Nacional qu'archive'l casu Egunkaria

|

Les Xuntes Xenerales de Guipúzcoa aprobaron una enmienda pautada por Aralar, Hamaikabat y PNV, al traviés de la qu'esta cámara encamienta a l'Audiencia nacional (AN) que "archive definitivamente" el casu Egunkaria y "repare los daños causaos".

La enmienda, alcordada por Aralar, Hamaikabat y PNV de magar una iniciativa d'estos dos últimos grupos, votóse por puntos.
 
El primeru, nel que se recueye que les Xuntes manifestaben que'l procesu a la escontra del periódicu Egunkaria "nun ta basáu en derechu" y encamienten a l'AN que lu "archive definitivamente y repare los daños causaos", contó col votu a favor de los proponentes, Alternatiba, EB, y PSE y a la escontra del PP.
  
Lo mesmo asocedió col segundu puntu nel que la Cámara tresllada la so "solidaridá" colos acusaos nel casu y muestra la so "preocupación" pola "situación que tuvo que soportar" dende'l zarru d'Egunkaria.
  
El tercer puntu nel que se contempla qu'una representación de les Xuntes acudirá a los momentos "más decisivos" del xuiciu, n'especial, a la sesión na que se dea a conocer la sentencia, a fin de "treslladar direutamente esta solidaridá de los guipuzcoanos" cuntó tamién col votu a la escontra del PP, l'astención del PSOE y l'apoyu del restu de grupos.
  
Mikel Serrano, xunteru del PSE, grupu qu'apoyu esta iniciativa dende'l "respetu a la independencia del poder xudicial", treslladó la so "solidaridá" a los acusaos nesti pocesu que "nun debe considerase como un ataque al eusquera",  y rogó que "nun s'obligue a naide" a asistir en representación d'esta cámara al xuiciu.
  
Pela so parte, los grupos del PNV, Aralar y Hamaikabat afitaron que'l casu Egunkaria "nun tien nengún fundamentu xurídicu", supón "una agresión política y xudicial contra la cultura del eusquera" y "nun ta basáu nel drechu".
  
De la mesma manera, Alternatiba consideró qu'esti procesu ye "un exemplu de los peores abusos del Reinu d'España na persecución del llamáu entornu d'ETA, de los peligros qu'asume una democracia cuando sacrifica les garantíes xudiciales y les llibertaes individuales na llucha contra'l terrorismu.
  
EB-Berdeak llamentó que "nunca" se recuperará Egunkaria nin se prodrá olvidar lo que supunxo'l so zarru, que debió contar cola "condena internacional" que, sicasí, nun se dio. Amás, consideró que "l'archivu del casu y l'absolución de los acusaos" ye la "única igua" posible.
  
Pel contrario, el grupu del PP esplicó que'l so refugu a la iniciativa aprobada débese a qu'Espña ye "un estáu de drechu" y equí ta "pidiéndose la disolución del xuráu y l'anulación del xuiciu" dende argumentos "políticos" y "ensin facer casu" al procesu xudicial colo que se "fai escarniu de la xusticia española".
 

Contador Estadistiques