Les FARC anunciaron la "radicalización de la llucha política tres el trunfu ilexítimu" de Juan Manuel Santos nes eleiciones, nes qu'esta guerrilla asegura qu'hubo "fraude y corrupción".

"Col trunfu ilexítimu del continuismu, refugáu pola astención ciudadana, el país entró nun procesu de radicalización de la llucha política, nel que'l pueblu va ser protagonista de primer llinia", señalen los rebeldes nun comunicáu colgáu esti xueves na web de Anncol.

La web del Conceyu de Ḷḷena  rexistró, dende la so puesta en funcionamientu (en 2007), más de 111.400 consultes, de les que casi'l 60 por cientu fueron realizaes na versión n'asturianu.

En concretu, na Axenda Cultural contabilizáronse 16.359 entraes, de les qu'el 57,2 por cientu realizáronse na opción d'asturianu. Nel casu del enllaz onde s'amuesa la corporación municipal y el directoriu de servicios,contabilizáronse dende la entrada en funcionamientu de la web 15.665 entraes, de les qu'el 59,7 por cientu fueron na mesma opción  que l'anterior.

Los asturianos son los menos emancipaos d'España depués de cántabros, ceutís y melillenses. La tasa d'emancipación ye del 37,6%, nueve puntos perbaxo de la estatal.

Asina lo reflexa l'informe sobre la 'Situación llaboral de la mocedá asturiana nel 2009', presentáu güei por CC.OO. El secretariu xeneral del sindicatu n'Asturies, Antonio Pino, y el secretariu de Mocedá de la organización, Andrián Redondo, ofrecieron una rueda prensa pa culpar d'esta situación a les condiciones de trabayu xuveniles, al paru nesti sector poblacional y al preciu de la vivienda.

El voceru d’UNA, Faustino Zapico, acusó al PSOE de convertir l'Alministración Pública nel so paraísu particular" y a IX de "cinismu y cobardía política".

UNA quier solidarizase colos ciudadanos tanto funcionarios como interinos y opositores, “que tán sufriendo'l constante abusu de poder del gobiernu del PSOE ya IX los primeros y la indolencia y falta de respetu del gobiernu asturianu los segundos”.

Vicente Gotor alvirtió que la institución "nun ta en condiciones óptimes" pa l'adaptación al Espaciu Européu d'Educación Superior (EEES), tamién conocíu como'l Procesu de Boloña.

El PSOE materializó'l martes nel rexistru del Senáu les sos enmiendes a la proposición de reforma del Reglamentu pa l'ampliación del usu de les llingües autonómiques na Cámara.

Javier Cubero presenta güei en Xixón la obra ganadora del II Premiu d'Ensayu Fierro Botas 'Del romanticismu al rexonalismu: escritores carlistes na lliteratura asturiana'.

L'escritor candasín Xurde Fernández presenta güei 24 de xunu, en Candás, la so nueva obra, 'Ucrania y otros nomes de muyer', un colección de relatos protagonizaos por muyeres.

"Son histories de muyeres que nun salen nos llibros d'historia, y que pasen a ser protagonistes de situaciones que muestren problemes y situaciones del mundu", esplicó l'autor en declaraciones a Europa Press.

L’asociación zamorana Furmientu ta acabantes d’asoleyar el númberu 21 del so boletín ‘El Llumbreiru’, que se pue descargar dende la so web.

Amás de les noticies d’actualidá spbre l'idioma, nes que se recueyel nomamientu del lleonés Nicolas Bartolomé Pérez como académicu de la llingua, esti númberu recueye una parte del vocabulariu senabrés de Patricia Otero Alonso, que foi’l ganador del IV Concursu de Vocabularios.

El 15 festival Derrame Rock entama colos conciertos de los grupos del concursu de maquetes y de l'actuación d'Escuela de Odio y Habeas Corpus, acabantes de publicar un vinilu común.