El Senáu aprobó esti miércoles, con 131 votos a favor, 129 en contra y nenguna astención, la moción presentada pol PP pa pidir al Gobiernu que prohíba'l velu integral n'espacios públicos.

Areces presentó en Shanghai la nueva campaña ‘Asturies, dizlo tol mundu’, afirmando que nel esterior hai que dir con España “porque Asturies nun tien tamañu". Mientres, Exceltur asitia'l nuesu país como la tercer comunidá menos competitiva.

El Principáu presentó güei na EXPO de Shanghai, que celebra’l Día d'Honor d'Asturies, la nueva imaxe de promoción d'Asturies nel mundu, que según indiquen dende’l Principáu,  va dar pie a la nueva campaña turística y de promoción de la “marca” en diversos ámbitos comerciales y empresariales al traviés de la mirada de persones foriates.

El presidente del Tribunal de Cuentes, Manuel Núñez Pérez, denunció anomalíes na xestión de cuentes y aseguró que "realiza les verificaciones que tien a bien" de los informes.

Mientres el debate nel Senáu del Informe Añal de la Comunidá Autónoma d'Asturies correspondiente al 2004, calcó en que foi precisamente esi añu l'últimu en que'l Tribunal fixo informe, dao que d'esto empezó a encargase depués la Sindicatura de Cuentes del Principáu.

Asturies foi una de los seis comunidaes autónomes que presentó un crecimientu negativu nel añu 2009, dao que rexistró más fallecimientos que nacimientos.

Asturies ta en  concreto na tercer posición, al rexistrar nel 2009 un total de 8.307 nacencies, frente a 12.774 fallecimientos, colo qu'ofrez un crecimientu vexetativu negativu de -4.467, según los datos publicaos esti martes pol Institutu Nacional d'Estadística.

Rubalcaba aseguró que se va meyorar la Llei Electoral pa evitar la presencia de la esquierda abertzale. Mientres que’l presidente del PNV diz que Batasuna llama a un altu’l fueu.

El reintegracionismu gallegu denuncia que la radiotelevisión pública gallega (RTVG)  nun usó la toponimia oficial d’A Veiga al informar sobre les llenes de les últimes selmanes.

Tres la muerte d’una muyer y la desapaición del so home en Veiga de Vilar, esti llugar d’A Veiga convirtióse nun puntu d’atención de munchos medios de comunicación del Estáu español. Asina foi’l casu de Galicia, cuya televisión pública informó de les llenes provocaes al otru llau de la so frontera territorial.

Sáenz de Santamaría confirmó que'l PP va astenese esta tarde na sesión pa convalidar el decretu llei de reforma llaboral y que va presentar enmiendes pa meyorar na el proyeutu de llei.

Suburbia Ediciones faise cargo de la edición d'Erada, nel so númberu 3. La revista cambia’l so formatu esterior pero mantíen los criterios de calidá de los númberos anteriores.

La Conseyería de Cultura y Turismu y el Conseyu de la Mocedá de Xixón convoquen la XI edición del Premiu Astragal, dedicáu a proyeutos artísticos y dotáu con dos premios de 4.000 euros.

La convocatoria cuenta cola collaboración del Conceyu de Xixón y el patrociniu de Caxastur, y al premiu pueen presentase artistes o coleutivos d'artistes asturianos o residentes n'Asturies, o descendientes d'asturianos hasta segundu grau, que nun seyan mayores de 35 años.

Furmientu convoca’l V Concursu de Vocabulariu Tradicional col oxetivu de recoyer el máximu númberu de pallabres y espresiones del patrimoniu llingüísticu de Zamora.

Al concursu puen participar cualesquier persona, ensin distinción de nengún tipu. Cada participante pue presentar un vocabulariu recoyíu en cualquier zona de la provincia de Zamora, pudiendo presentar dellos namás si caún pertenez a una población, zona o contorna en concretu que nun s'asolape coles otres. namásvan optar al premiu los vocabularios inéditos, non publicaos con anterioridá.