El Conseyeru d'Educación fixo balance de dellos programes educativos de fomentu del billingüísmu, onde fixo una pequeña referencia a la matriculación d’asturianu “que sigue al alza”.

José Luis Iglesias Riopedre fixo’l pasáu sábadu balance del cursu 2009-2010 en diversos programes educativu y avanzó les característiques que va tener el Decretu d'Orientación que na actualidá ta en tramitación.

Los cabezaleros del G-20 alcordaron abrir víes destinaes a reponer la recuperación económica y establecer un sistema bancariu más seguru, según recueye la declaración final.

El testu final de la xunta recueye les distintes prioridaes establecíes polos países participantes nel conceyu, que se comprometen a reducir a la metá los sos déficits presupuestarios pal 2013 -pero sin parar el crecimientu económicu--, y anuncien midíes dirixíes a evitar comportamientos aventuraos del sector bancariu --pero que nun provoquen una reducción del creitu-.

Areces presenta güei na Comisión de Mediu Ambiente y Enerxía, en Chipre, un dictame pa definir una alternativa al PIB como indicador esclusivu de crecimientu económicu y riqueza.

Fuentes del Principáu informaron a Europa Press que según esti informe, que se va debatir n'ochobre nel Plenariu del Comité de les Rexones, el PIB "nun mide adecuadamente la calidá de vida", dao que "actividaes que perxudiquen gravemente'l bienestar", como los crímes, los enfrentamientos bélicos y hasta los divorcios, puen facer crecer l'indicador.

La secretaria xeneral del PP, María Dolores de Cospedal, volvió negar güei que'l partíu tenga "nengún nome pensáu pa les eleiciones de 2011, nin Álvarez Cascos nin otru.

En rueda prensa güei na sede nacional del PP, preguntáron-y otra vuelta pola posibilidá de que l'ex ministru encabece'l cartelu electoral nel Principáu o si 'Génova' baxara otru nome más. "Non, nun tenemos nengún nome", respondió tayante la secretaria xeneral. "Nun hai novedá", sentenció.

Un home palestín morrió y otros dos resultaron firíos esti xueves por mor d'un ataque aereu israelí na Franxa de Gaza, según informaron fontes médiques palestines.

Una vocera del Exércitu israelín a la que se preguntó sobre lo asocedío, nun quixo facer comentarios al respecto. L'Estáu hebréu executa ataques aereos contra la Faza con frecuencia. Los sos oxetivos son los milicianos palestinos que presuntamente llancen cohetes contra territoriu israelín.

Pa UNA, los datos de la web de Ḷḷena amuesen que cuando s’ufierta asturianu los ciudadanos escueyen el so usu. Amás, piden estabilidá pa los Servicios de Normalización.

El 28 de xunu, Día de Lesbianes, Gais, Transexuales y Bisexuales (LGTB), Xega celebra la xornada con un actu institucional y la manifestación del Arguyu 2010 en Xixón.

El próximu vienres 2 de xunu, la FNAC de Parque Principáu va acoyer la presentación de ‘Yoni y yo’ de Pablo X. Suárez, cola presencia del propiu autor y Adolfo Camilo Díaz.

El catedráticu d'Ecoloxía de la Universidá d'Uviéu, José Ramón Obeso, dixo que tán detectando cambios pol efeutu del cambiu climáticu, con la mediterranización de los Picos d'Europa.

El conseyeru d'Infraestructures y Mediu Ambiente destacó'l consensu ente Principáu, Junta, executivu cántabru y l'Estáu, pa "caltener la unidá ambiental" del parque de Picos d'Europa.