EEXX ta pagando millones de dólares a 'señores de la guerra afganos' y, posiblemente, a los talibán pa garantizar la seguridá de los convóis nos que se tresporten suministros pa les tropes.

CartoDial va permitir marcar los rasgos llingüísticos pueblu a pueblu, y tien como siguiente pasu afitar la llinde ente asturianu y castellán y les propies divisiones internes del asturianu.

Profesores y investigadores del Seminariu de Filoloxía Asturiana presentarán el próximu miércoles 23 de xunu nel IX Congresu Internacional de Llingüística Xeneral, que se celebra na Universidá de Valladolid a partir de güei, el nuevu programa CartoDial.

El vicesecretariu de Comunicación del PP, González Pons, calcó en que van pidir la illegalización de cualquier formación qu'acepte ser "el representante" de la banda nes eleiciones.

Unidá Nacionalista Asturiana (UNA) pide la supresión del Festival Aereu de Xixón como midida d'austeridá y desixe que se diga públicamente cuanto va costar a los xixoneses.

La vocera d’UNA en Xixón, Yolanda González, afirma que, “amás de ser un espectáculu de corte militarista sustituible por otros más baratos y constructivos, supón un auténticu espilfarru en momentos nos que se plantega una baxada del gastu y nel que s'aplicaron importantes retayos a la política de festexos d'esti branu”.

Suatea diz que los opositores a maestros d’ESO tán sufriendo la mala xestión del Institutu Adolfo Posada. Poro, amuesen la so oposición a que la organización seya del Institutu.

El sindicatu diz que Conseyería d'Educación queda al marxe del procesu, “cuando tendría de ser de la so esclusiva competencia al ser del máximu interés pal futuru de la enseñanza pública asturiana”.

Areces robló güei con representantes de la República Popular China tres nuevos acuerdos de collaboración pa reforzar la cooperación científicu-tecnolóxica y educativa.

Un 90,12% de los participantes nes consultes soberanistes que s'entamaron esti domingu nuna cincuentena de conceyos de Cataluña espresáronse a favor de la independencia.

Pablo Rodríguez Medina algamó’l primer premiu del IX Concursu de Narraciones Curties Conceyu Llaviana, entamáu pola Oficina de Normalización Llingüística.

La entrega de premios tuvo llugar el pasáu 20 de xunu tuvo llugar la entrega de premios. Los premiaos foron Pablo Rodríguez Medina, qu'algamó'l primer premiu, de 600 euros, pola narración ‘L'espontaneu’; Alfredo Huergo Zapico, segundu premiu, de 300 euros, pola obra ‘L'home qu'espantó a la muerte;’ y Darío Aceba, que recibió'l tercer premiu, dotáu con 150 euros, pol rellatu ‘Armando’.

El Principáu entama esti mes la VII edición del Máster n'Idioma, Cultura y Negociación China. Areces destaca la importancia d'esti programa pa rellanzar les relaciones comerciales.

El Principáu, al traviés del Institutu de Desenvolvimientu Económicu del Principáu d'Asturies (IDEPA), entama esti mes la VII edición del Máster n'Idioma, Cultura y Negociación China cola participación de diez nuevos alumnos. Ente los seis promociones anteriores –la sesta remata formalmente a finales d'esti mes- pasaron 79 alumnos.

El presidente electu de Colombia, Juan Manuel Santos, afirmó'l domingu nel so primer discursu, tres ganar na segunda vuelta de les eleiciones, que llegó la hora "de la unidá nacional".

"El reló de la historia güei marca una nueva hora. Llegó la hora de la unidá nacional. Llegó la hora de la concordia ente los colombianos, de trabayar xuntos pola prosperidá de Colombia",afirmó'l mandatariu electu, que compareció ante los sos siguidores nel coliséu d'El Campín, en Bogotá, acompañáu pola so muyer, los sos tres fíos y el futuru vicepresidente, Angelino Garzón.