UNA acusa PSOE ya IX d'utilizar a l'Alministración como'l so paraísu

El voceru d’UNA, Faustino Zapico, acusó al PSOE de convertir l'Alministración Pública nel so paraísu particular" y a IX de "cinismu y cobardía política".

UNA quier solidarizase colos ciudadanos tanto funcionarios como interinos y opositores, “que tán sufriendo'l constante abusu de poder del gobiernu del PSOE ya IX los primeros y la indolencia y falta de respetu del gobiernu asturianu los segundos”.

Faustino Zapico destacó que "cola nueva sentencia qu'anula 148 puestos de l'Alministración por una denuncia d'USIPA, son más de 1.000 les places de funcionarios y cargos de llibre designación qu'anularon los tribunales ente alministración autonómica y local" onde nos más de los casos de los casos repite la constante de ser gobiernu de PSOE ya IX el que desendolca'l procesu de selección".

Pa UNA l'intentu constante del PSOE ya IX de patrimonializar l'Alministración Pública asturiana "foi reiteradamente valtada polos tribunales, ensin qu'ello supunxera la más mínima rectificación per parte del Gobiernu d'Asturies".

La organización diz qu’esto sirvió pa reforzar a Ana Rosa Migoya como pesu pesáu del Gobiernu, “cuando los sos mayores ésitos foron l'anulación xudicial de la carrera profesional y del sistema d'evaluación del profesoráu, de la que ye la máxima responsable"

Nesti sen, UNA tamién esixe respetu pa interinos y opositores “que tán sufriendo en primer persona la indolencia y falta de respetu per parte de les instituciones públiques”.

Asina, receurden la última convocatoria de profesoráu de secundaria, “onde los plazos entainaos, la falta d'información sobre'l procesu y les dificultaes que van tener los interinos pa encetar les sos obligaciones como profesores y encarar les oposiciones con unes mínimes condiciones d'ésitu pola superposición ente les pruebes y el fin de cursu" nun son más qu'una amosanza de la prepotencia del PSOE ya IX”.

UNA acusa a estos partíos d’utilizar l'Alministración Pública asturiana pa pagar favores, “y escaezse adré de garantizar la oxetividá pa que cualquier ciudadanu pueda aspirar a un puestu de trabayu funcionarial o na Alministración en xeneral".

Faustino Zapico concluyó indicando que "nun sé si ye más murnia l'actitú prepotente del PSOE o la d'IX de mirar pa otru llau y acusar col deu a un Gobiernu que sofita y que son de les sos decisiones responsables, demostrando un grau de cinismu y cobardía política bien malo d'entender".