El coordinador d'Aralar, Patxi Zabaleta, va comunicar a la esquierda abertzale y EA qu'acepta caltener "conversaciones oficiales", pero alvertirá-y que nun pue haber "llenda" de temes.

El Garrapiellu va celebrar la XX Marcha Xixón-Cuadonga ente’l día 9 y el 11 de xunetu. La ruta foi abierta, señalizada y dada a conocer al gran públicu por esta asociación.

La Tertulia Cultural El Garrapiellu quier poner de manifiestu tou'l so interés en potenciar la ruta, que cunta con unos 15.000 andariegos al añu, pol so interés cultural, ecolóxicu, turísticu y económicu, “como históricamente demostró cola edición de llibros y la señalización de la ruta con trisqueles (popularmente conocíos como "garrapiellos").

El Parllamentu catalán apruebo la so ‘Llei del cine’ colos votos del tripartitu (PSC, ERC y ICV-EUiA) y CiU. El testu garantiza la equiparación de castellán y catalán nes sales del país.

Esti martes 6 de xunetu, a les 22:00 nel Teatru Riera, ta previstu l'estrenu de la obra teatral "Tuxa", promovida pol Serviciu de Normalización llingüística de la Comarca de la Sidra.

La obra ye un repasu de la vida y obra de la escritora maliayesa Tuxa Villaverde (Tornón 1882-1934), personalidá que s’intenta recuperar. Dirixida por José Luis Campa, la pieza inclúi fragmentos de la propia obra de Tuxa, combinaos con partes biogrfiques, con testos adaptaos y ellaboraos por autores de la talla de Lluis Portal, Miguel González Pereda o Etelvino González López.

Los sindicatos CC.OO y UXT fixeron un llamáu pa secundar la manifestación que se va celebrar güei n'Uviéu pa protestar contra los recortes salariales y sociales.

El miembru de la Executiva de LAB Gorka Berasategi cifró güei "nun 70-75% polo xeneral" el siguimientu de la güelga xeneral convocada pa güei nel País Vasco.

Areces dixo que la sentencia sobre l'Estatut ye "positiva" pa España, pal Estáu autonómicu y pa Cataluña, anque nun fixo mención al conceutu de 'nación' que reconoz el TC, nin a la refuga de que'l catalán seya preferente sobre l'español o al futuru procesu de reforma del Estatutu asturianu.

El presidente de la Generalitat, José Montilla, refugó convocar una consulta o un referendu pa que la ciudadanía catalana diga si comparte o non el recorte del Estatut pol Constitucional.

En rueda prensa tres el Consell Executiu, Montilla indicó qu'él ye favorable a que se pongan sobre la mesa toles iniciatives posibles pa encarar el recorte, siempre y cuando se produzan "dientro del marcu del Estáu de derechu".

La Coordinadora Ecoloxista presentó suxerencies nel trámite de consultes del primer parque eólicu previstu en Pravia, ún de los 96 previstos pal Occidente.

El parque de Pravia  va tener 3 aeroxeneradores de 3  Mw de 100 metros d'altor de buxe (lo mesmo qu'un edificiu de 33 altores) y 116 metros de diámetru de rotor. En total, en tola fastera occidental, van ponese 1451 aeroxeneradores.

La comisión permanente de la Xunta de Personal Docente diz que los retayos nel sistema educativu van traer perdida de puestos de trabayu y amenorgamientu de la calidá educativa.