La direutora del Muséu Arqueolóxicu, Elisa Collada, reconoció güei na Xunta Xeneral que "nun se cumplió la llei" per parte del director de la escavación de la Campa de Torres (Xixón).

La esquierda abertzale y Eusko Alkartasuna roblaron un alcuerdu p’algamar la independia al traviés de víes polítiques. Ye'l primer pasu d’una relación que pue finar nuna coalición.

Al actu celebráu güei domingu en Bilbao, asistieron unos 800 militantes y decenes d'observadores internacionales. Les dos partes esperen que seya’l primer primer pasu nun camín de collaboración abriendo, amás, l’alcuerdu a otres formaciones independentistes.

Francisco de Asís resultó reelexíu como secretariu xeneral del Partíu Comunista d'Asturies (PCA) nel l'IX Congresu, que se celebró esta fin de selmana na Facultá d'Económiques d'Uviéu.

Un total de 137 delegáu participaron na elección del Comité Executivu central, de los que 127 votaron sí a la llista presentada y 10 votaron en blancu. Una vegada axuntáu'l Comité, este escoyó a Francisco de Asís como nuevu secretariu xeneral por 60 votos a favor y 3 en blancu. El Congresu cuntó cola presencia del ex secretariu xeneral del Partíu Comunista d'España (PCE), Francisco Frutos.

La metá de el catalanes ta a favor de la independencia, según una encuesta del ‘Periódico de Catalunya’. Amás, tamién se receuye qu’CIU podría algamar la mayoría absoluta.

Según los datos, un 48% de el catalanes votaría a favor de la independencia y un 35,3% votaría en contra. Tamién diz que 65% de los catalanes camienta que agora nun ye'l momentu de facer el referendu y qu’un 81% deduz que'l Gobiernu español nun aceptaría que se convocara'l referendu.

“Pa que prevaleza la referencia riberana, tendría de reproducise afechiscamente’l nome del ríu, que ye Seya y, arriendes d'ello, Ribeseya el conceyu”, diz Xosé Lluis García Arias.

El palaciu de Don Gutierre de Lleón acueye güei a les 12.30, el V Día de la Llingua Llionesa, que cuntará cola intervención del conceyal de Cultura Lleonesa, Javier Chamorro.

Nel actu, va facese entrega de los diplomes a los alumnos qu’estudien asturlleonés dientro de la programación de la Conceyalía, asina como a los neños de los colexos de la capital del país vecín que la ufren como matería extracurricular.

El presidente del PSE-EE, Jesús Eguiguren, Unvió un escritu al lehandakari, Patxi López, nel que-y plantega la posibilidá de facilitar una salida política a Batasuna si se desvincula d'ETA.

Eguiguren, que participó nes conversaciones ente'l Gobiernu y ETA mientres la última tregua (la del 2006), señala nel so escritu la posibilidá de "incentivar la evolución de la izquierda abertzale" si ésta se separa de los postulaos de la banda terrorista y condena la so violencia.

Cristina Narbona señaló en Xixón que la comunidá científica ta cada vez ta más convencida que'l cambiu climáticu ta teniendo llugar y citó como exemplu les inundaciones vivíes nel país.

L'Academia Valenciana de la Llingua manifestó que sedría una "bona midida" que la competencia en valencianu se valorare como méritu dientro de la carrera docente nes universidaes.

La presidenta de la institución, Ascensió Figueres, pronuncióse d'esta manera, en declaraciones a los medios de comunicación, tres participar na presentación d'un informe ellaboráu poles universidaes valencianes en collaboración cola AVL pa conocer los usos llingüísticos ente'l profesoráu, los estudiantes y el personal d'alministración y servicios (PAS).