Furmientu espubliza’l númberu 21 d'El Llumbreiru

L’asociación zamorana Furmientu ta acabantes d’asoleyar el númberu 21 del so boletín ‘El Llumbreiru’, que se pue descargar dende la so web.

Amás de les noticies d’actualidá spbre l'idioma, nes que se recueyel nomamientu del lleonés Nicolas Bartolomé Pérez como académicu de la llingua, esti númberu recueye una parte del vocabulariu senabrés de Patricia Otero Alonso, que foi’l ganador del IV Concursu de Vocabularios.

Na estaya lliteraria tien el cuentu ‘Felecidá y el muxu’, de la escritora samartineira María José Zurrón del Estal, y ‘As mentiras del silenciu’, una traducción al senabrés d'una poesía de Juan Carlos García Hoyuelos, fecha por Severino Alonso Proy.