Xurde Fernández presenta 'Ucrania y otros nomes de muyer'

L'escritor candasín Xurde Fernández presenta güei 24 de xunu, en Candás, la so nueva obra, 'Ucrania y otros nomes de muyer', un colección de relatos protagonizaos por muyeres.

"Son histories de muyeres que nun salen nos llibros d'historia, y que pasen a ser protagonistes de situaciones que muestren problemes y situaciones del mundu", esplicó l'autor en declaraciones a Europa Press.

Asina, la llista de protagonistes vien por orde alfabéticu, nun siendo Ucrania, la primer d'elles, una imigrante ucraniana en Londres que da nome a la publicación. Percuérrense asina delles partes del mundu, dende Asturies al oriente pasando per Albania.
  
Son histories construyíes nunes ocasiones a partir de reportaxes y documentación qu'algamó l'autor, y n'otres frutu esclusivamente de la so imaxinación. L'actu va tener llugar a les 19.30 nel patiu de la Biblioteca de Candás.